اليوم على الغداء زرنا مطعم جديد فتح في جدة قبل شهرين

اليوم على الغداء زرنا مطعم جديد فتح في جدة قبل شهرين

 

اليوم على الغداء زرنا مطعم جديد فتح في جدة قبل شهرين و نيف مطعم بريطاني اسمه هاري رامسدن (معروف عن المطبخ الانجليزي انه مو من اشهر المطابخ في العالم على الرغم ان العديد من اشهر الطباخين في العالم انجليز)
حسابهم
harryramsdensksa
التجربه بشكل عام ممتازه و خاصتا ان الجماعه نزلو منيو جديد مميز و توسعو في الطلبات
في البدايه المطعم ما كان مزدحم و الويتريه رحبو بينا اشد ترحيب الديكورات مستواحاه من الطابع الانجليزي اعطونا في البداية منيوهين (القديم مرتب) و جديد عباره عن ورقة وحده بدون صور بس في اصناف متنوعه
طلبنا ما هو آتي
المقبلات
1 شوربه جمبري الشودر ب 48 ريال
لذيذه طيبه كريميه ؛تقدم في وعاء خبز مفرغ ممكن بعد ما تخلص الشوربه تنقنق بالخبز اعطيها 4 من 5
2 سلة كالاماري المقليه ب 36 ريال
اعتقد انه لم اوفق في هذا الطلب ؛ تمنيت لو جربت كالماري بالبابريكا و الفلفل الاسود او اجنحه دجاج او محار بس لو تفتح عمل الشيطان
اعطيه 2 من 5
3 دينمايت شرمب ب46 ريال
من المنيو الجديد لذيذ و طيب و اسبايسي شويه
اعطيه 45 من 5
الاطباق الرئيسية
1 السمك الحدوق المقلي مع البطاطس و يجي معاه رز
حجم العادي ب78 ريال (لا تسأل ايش هو الحدوق ما عندي اي فكره)
لذيذ للي يحبو الفيش اند شيبس، انا ذقت الفيش اند شيبس في بريطانيا و ده طعمه زيهم ممتاز؛ بس الي مو متعود على الفيش اند شيبس البريطاني و متعود على الناجل المقلي امكن ما يعجبه
الصوص التارتار لذيذ تغمس فيه و البطاطس السميك طيبه ايضا
اعطيه 4 من 5
2 المكرونه البحريه ب72 ريال
مكرونه فوتتشيني فيها جمبري و محار و كريمه، و الباستا نفسها تكون نص استوا الدنتي استايل لذيذ عجبني الصوص
اعطيها 45 من 5
3 اضلاع لحمه ربس مع الباربكيو ب98 ريال
يقول في المنيو انها الذ اضلاع تاكلها في حياتك
طيب هيا كانت لذيذه جدا بس مو احسن من تاكسس رود هاوس مع ذلك اعتبرها لذيذه و جيده و اطلبها مره تانيه مع ان كميتها شويه صغيره (احلف عليها) يجي معاها بطاطس و ذره
اعطيها 45 من 5
الحلى
ما حليت عندهم كانت عندي خطط احلي في مكان تاني ☺
التجربة ممتازه و ممكن ازوره اجرب اطباق اخرى
الموقع: تقاطع صاري مع شارع الامير سلطان
التقييم
الخدمه 45 من 5
الجو العام 45 من 5
القيمه مقابل المال 4 من 5
الطعم 4 من 5
وسلامتكم

التقييم العام 43 من 5
تقييم جدة فودي
like4like l4l likeforlike like food fun love instafood foodporn restaurant instagood
uk
جدة مطاعم تقييم أكل

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *