المقهى اللي علامته خضراء،، تعرفونه؟؟ كم مرة أقول لكم إني ما
المقهى اللي علامته خضراء،،
تعرفونه؟؟
كم مرة أقول لكم إني ما أحبه،،
وبناتي سبحان الله مثل أغلب من هن في سنهن منفتنين به،،
ودائماً أحاول أكرهن به وأقول لهن؛
أصلاً شوفوا رمزها ،،
شكلها مرة قبيح
صايرة كأنها شكل شيطانة كريهة
أو رمز لآلهة،،
أنا ما أحبهم،،
ويدعمون اليهود
ليتكم تتركونهن،،
بس ما أجبركم ،،
بكيفكم،،
ودي تقتنعون من أنفسكم
إذا تبون تطلبون ،،،
أنا بنتظركم برا المحل،،
وكانوا يطلبون وأنا أكرهه بس مع ذلك ما أرفض،،
ولا أعيي عليهم،،
ومرت الأيام،،
مادريت إلا وحنا قبل شهر تقريباً،،
يعني بآخر شوال رحنا مرة لمكان ما فيه إلا مقهى واحد،،،هو هالمقهى،،
قلت للبنات ؛
تبي تطلبون؟؟
قالوا؛
لا
قلت؛
غريبة!!وراه؟؟
قالوا؛
خلاص ،،،
قاطعناهم،،
قلت؛
الحمدلله،،ماكان من الأول!!
بس وش دعوى؟؟
وش السالفة؟؟
وش اللي غير رايكم؟؟
قالوا؛
شفتي الأزمة اللي صارت بفلسطين بأيام العيد،،
صار كلامك صح،،
لأننا شفنا مقطع فيديو إنه هالمقهى بكل كاس نشتريه منهم يدعم اليهود ،،ويساهم بالظلم اللي هناك ،،فكرهناهم مرة،،
قلت ؛
هالحين أنا من زمان أقول لكم هالكلام وما أثر بكم كلامي،،،
ويوم شفتوا هالمقطع أثر بكم،،
قالوا؛
كنا نحسبك تتوقعين،،،يعني مو متأكدة ،،
أو ممكن تبالغين،،
((لويت زقمي )) وقلت بخاطري؛
فعلاً،،،صادقين يوم قالوا ،،تأثير الإعلام غير،،