السلام عليكم تقييمنا لـحلا ((سكر الندى)) متخصصين في تقديم أنواع الحلا

السلام عليكم تقييمنا لـحلا ((سكر الندى)) متخصصين في تقديم أنواع الحلا

 

السلام عليكم
تقييمنا لـحلا ((سكر الندى))
متخصصين في تقديم أنواع الحلا بطريقة منزليه مشهيه
حي الروضه – شارع درويش الكيال
أوقات الدوام يومياً من ٨ صباحاً إلى ١١ مساءً
===============
{ طلباتنا }
ترافل رمان (حجم وسط)٢٥٠ ريال
حلا البانوفي (حجم وسط) ٢١٨ريال
==============
⚪️ ترافل الرمان أتعب أقولكم قد أيش لزيز أنا أول مرة أذوق حلا رمان لزيز بالطريقة دي،أصلاً نادراً تلاقو حلا رمانيعني تاكلو منو ماتشبعو لازم تغرفو مره تانيهخفيف والحلا نفسو معبى رمان ومعاه كريمة وكيك حقيقي سكر الندى سارلي تقريباً أتعامل معاهم ٣ سنين وماشالله المستوى حقهم نفسو مانزلوحقيقي لما أشتهي حلا على طول يجو في بالي——-
⚪️حلا البانوفي أطعم بانوفي ممكن تدوقوها في جدة أسالو أي أحد يعرف المحل حيقول نفس الشيالبانوفي هوا حلا بالموز يشبه (بنانا بودينق)
———-
⚪️ عندهم الحجم الكبير يجي تقريباً للحلا ب٣٥٠ ريال- والميني ب٤٠ ريال————
أجواء المحل:
المحل صغير يعني تآخدو طلبكم وتمشو أفضل، في جلسات حاطين كم طاوله لو حابين تآكلو في نفس المحلماشالله كانو يبيعو من بيتهم وماشاءالله من نجاحهم توسع المشروع وصار من بيت لمحل رسمي لهم بجدة
============
⁉️ هل المحل يستحق الزيارة ؟
⬅️ يستحق التجربه وبقوووة اللي ماجربهم الين دحين ضرورري يروح يجرب الحلا عندهم،عندهم كمان لازم تجربو:
تشيز كيك المانجو تقتل لاازم تجربوها لاتقاوم وترافل المانجو برضو لزيزتشيز كيك البستاشيو لزيزة بس حاليه شويهعندهم أنواع حلا كتييره برضو بس دي أشهر شي عندهم
⁉️ نصيحة
⬅️ اذا تبغو تطلبو حلا الرمان لازم تتصلو قبلها بيوم وتحجزوها،لو روحتو بنفس اليوم ماراح تحصلوه والميني منها برضو مو دايماً تكون متوفرة فلازم طلبيه قبلها بيوم،وبالنسبه للبانوفي دايماً متوفرة والتشيز كيك المانجوالترافل المانجو وتشيز كيك البستاشيو ماركزت صراحة لو دايماً متوفرين
عندهم توصيل عن طريق تطبيق(لقمتي-كريم)
عيبهم فقط الأسعار شويه مرتفعه

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *