اسم شوية قديم مختص في الدجاج بنكهة مختلفة بيروفي peruviksa طلبنا

اسم شوية قديم مختص في الدجاج بنكهة مختلفة بيروفي peruviksa طلبنا

 

اسم شوية قديم مختص في الدجاج بنكهة مختلفة
بيروفي peruviksa
طلبنا من عندهم سلطة، ساندوتش دجاج، ساندوتش جمبري، ووجبة الابطال
اللي يميّز المحل اكثر شي يمكن الصوصات بالاضافة للطريقة اللي يقطعو بيها الدجاج، يكون منسّل او يسموه نسايل او شرايح مرة نحيفة
ساندوتش الدجاج افضل شي عندهم، لذيذ، حجمه كبير، فيه دجاج مع بطاطس وخس وكمية صوص كبيرة، الصوص اختياري سواء عادي (أصفر)، متوسط (أخضر)، او حار
الجمبري مستوي بطريقة كويسة ونفس فكرة الدجاج، يعتبر جيد، من باب التغيير اخذناه خبز اسمر وكان مناسب
وجبة الابطال هيا دجاج، سواء صدور او مقطع نفس طريقتهم، مع اختياركم من رز او بطاطس وعيش، وطبعا الصوص، كميته كبيرة ومع الرز افضل
السلطة تجي برضو نفس الدجاج مع خس وزيتون، طعمها عادي، يمكن زمان كانت افضل، الحجم الصغير مناسب، اما الكبير يعتبر وجبة لوحده
ساندوتش الدجاج ١٣ والجمبري ١٨ ووجبة الابطال ٣٧
الواحد ياكل ساندوتش او نص وجبة ابطال
الجيعان يدعس
الساندوتشات مغلفة ب ورق، والوجبة جات في علبة قصدير، قبل كده طلبناه مع رز كانت في علبة بلاستيك، كل شي في كيس بلاستيك مغلق من المطعم للحماية
الطلب كان من كريم بتوصيل ١٥ ريال، وكان كويس بدون مشاكل
موجودين كمان في جاهز وتويو وهنجرستيشن ارخص من كريم و ب اسعار متشابهة
** بالرغم من ان الدجاج كله نفس الطريقة ومافي تنوع، مجرد الاختلاف الدجاج يكون مع ايش، اشوفه اختيار لذيذ للساندوتشات، ومتميّز في الصوصات، طبعا ما عندهم لحم، والطلب من هنجرستيشن ارخص شي، احيانا كريم يسوو تخفيض
ايش في محل ساندوتشات جديد فتح عشان نجربه ؟
اكلك في بيتك جدة مطعم مطاعم توصيل ديليفري اكل جيعان كريم هنجرستيشن تويو مرسول دجاج ساندوتش
‏ jeddah restaurant delivery food hungry careem hungerstation toyou lugmety mrsool samdwich chicken

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *