اسم المكان: ديب دارك دبي▫️⁣⁣⁣ ⁣⁣ تذكرون قبل على ايام وافي

اسم المكان: ديب دارك دبي▫️⁣⁣⁣ ⁣⁣ تذكرون قبل على ايام وافي

 

اسم المكان: ديب دارك دبي▫️⁣⁣⁣
⁣⁣
تذكرون قبل على ايام وافي و بيت الرعب لو كنتو من عشاق العاب الرعب و البيوت المسكونة، هذي الفلتين حرفيا تحقق احلام طفولتكم اتحلون الغاز لين توصلون اخر باب عشان تطلعون من الفيلا ⁣⁣⁣
⁣⁣
ما قدرت اصور داخل لانه ممنوع بس عندهم اربع انواع من الالعاب، و كل الالعاب فيهم ممثلين يخوفونكم :⁣⁣⁣
⁣⁣
الموقع: الميدان، فيلا 7 – دبي ⁣⁣⁣

بارانورمال: تدخل و اتحل الغاز و من اتحصل المفتاح تروح الغرفة الي بعدها جربتها مرتين، صراحة حماس الف احس العدد المثالي هو 4-5 لان ثاني مرة دخلتها، كنا 8-9 و كانت لوية محد داري وين الله حاطه نفس النمل ⁣⁣⁣
المهرج: مستوحاة من فلم IT لازم تطلعون من الفيلا من خلال 5 غرف لو عندكم فوبيا من المهرجين، هاللعبة بتخوفكم بالنسبة لي، حسيت بارانورمال احلى بوايد⁣⁣⁣

تنبيه!!!! الفيلا الي تحت موقعها غير عن الي فوق يعني لو تبون ⁣
تلعبون البارانورمال و المهرج، موقعهم في الميدان ⁣⁣⁣
اما الاسايلم و دمية انابيل، موقعهم في ام سقيم!⁣⁣⁣
⁣⁣
الموقع: ام سقيم، فيلا 83 – دبي⁣ ⁣⁣
⁣⁣
الاسايلم: كأنكم في مستشفى و لازم اتحلون الالغاز ماجربته صراحة لكن من اجربه بخبركم!⁣⁣⁣
دمية انابيل: مستوحاة من فلم انابيل، عبارة عن 7 غرف، بعضها فيها اضاءة و بعضها بدون ⁣⁣⁣
⁣⁣⁣
نصيحتي لبسو ملابس خفيفة و مريحة لانكم بتركضون بدون ماتحسون، لاتقولون لا عادي ما اخاف و على فكرة في اماكن لازم تزحفون فيها و ييبو شخص وياكم سريع التفكير و لو ماعندكم، عادي بيساعدونكم هناك انا احب اروح هالاماكن بس من كثر ما اتحمس و اكون على اعصابي، ماروم افكر في شي فاللي وياي يحلون عني ⁣⁣⁣
⁣⁣
يسجلون الالعاب في الفلل و ترومون تشترون الشريط منهم كذكرى اتجوفون منو اتخرطف و منو كان اكبر خواف سعر الفيديو 250 درهم، اما لو تبون عرض مختصر للفيديو السعر 100 درهم⁣⁣⁣
بس لو ماتبون تشترونه، بيمسحون التسجيل على طول فماترومون اتردون تطلبونه⁣⁣⁣
⁣⁣
بالنسبة للاسعار، جوفو موقعهم لانه يعتمد على عدد الاشخاص الي بيلعبون و اللعبة نفسها⁣⁣⁣
مدة الالعاب موجودة على كل صورة⁣ ⏳⁣⁣
الحجز عن طريق موقعهم⁣ ✏️ ⁣⁣
9/10⁣⭐️⁣⁣
⁣⁣⁣
للمزيد، اتطلعو على هايلات دبي!
dubai with mar

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *