أدخلو هاشتاقنا الجديد jeddah restaurants بلجيكي مقطع جداً رائع وصلنا من

أدخلو هاشتاقنا الجديد jeddah restaurants بلجيكي مقطع جداً رائع وصلنا من

 

أدخلو هاشتاقنا الجديد jeddah restaurants بلجيكي
مقطع جداً رائع وصلنا من حبيبنا mohannadzohair
تقييمي اليوم للفخامة البلجيكية لو كنشير Le Concheur محل بلجيكي مختص بالشكولاتة وفي جلسات كافي
عنوانو شارع الامير سلطان بعد تقاطع الكيال ب ١٠٠ متر تقريبا على اليمين بااتجاه الشمالالمحل جدا فخم من ناحية النظافة الديكورات الحلويات المعجناتالنية كنا ننزل ناخد حلو ونمشي لكن لمن دخلنا اختلف الوضع ريحة الحلويات تشهي تخليك تجلس غصب عنك الاستقبال جدا ممتازكنا ثلات اشخاص جلسنا وجابولنا ضيافة ٣ حبات شكولاتة الي موجودة صورتها فوقالطلبات :
وافل بلجيكي مع الايسكريم ب ٢٥ ريال تقييمي لو ٩/١٠ بكل امانة من اطيب الوفل الي دقتو خفيف وهش والسكر البودرة مع الفواكة معطي حلاوة معتدلة تارت ليمون ب ١٨ ريال وتقييمي لو ٩/١٠ حموضة الليمون مع حلاوة الكريمة معطية نكهة جدا جميلةشوكليت رول ب ١٨ ريال وتقييمي لو ٩/١٠ شكولاتة هشة محشية بموز واشياء تانية طعمها روعةالمشروبات :
سموذي فرولة ب ٢٥ ريال وتقييمي لو ٨/١٠ نكهة الفرولة كانت ضايعة شوي سموذي اناناس ب ٢٥ ريال وتقييمي لو ٩/١٠
كافيه لاتية ب ١٨ ريال وتقييمي لو ٩/١٠
المجموع : ١٢٨ ريال
الحلو في المكان انو كل اماكن التحضير قدامك تشوفها من ورا القزاز بعد ماخلصنا اخدنا الويترز لفة على المحل شفنا مكان تجهيز الشكولاتة ومكان تجهيز المعجنات ومكان تجهيز الوفل
والدور التاني عبارة عن مختبر بيعملو في دورات للصغار والكبار يعلموهم طريقة عمل الشكولاتةالتقييم بشكل عام :
الطلبات ٩/١٠
النظافة والاستقبال ٩/١٠
الاسعار ٩/١٠
ولي زيارات تانية ان شاء الله نجرب فيها انواع تانية لانو بيعملو كمان سندويشات وكروسانات وعندهم كمان منيو للفطور

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *