☕مطعم و كافيه قهوتي☕ اكتشاف هايقلب موازين المطاعم و الكافيهات بمعنى

☕مطعم و كافيه قهوتي☕ اكتشاف هايقلب موازين المطاعم و الكافيهات بمعنى

 

☕مطعم و كافيه قهوتي☕
اكتشاف هايقلب موازين المطاعم و الكافيهات بمعنى الكلمهمن كذا شهر وعلى مساحة دور كامل في مول TFP في التجمع الاول تم افتتاح مطعم و كافيه قهوتي على مستوى راقي و متميز من الديكورات و الموقع الهادي اللي هتلاقي فيه ركنه لعربيتك بكل سهوله و تستمتع فيه بالذ طعم في البدايه عجبنا المدخل و شياكته و الاستقبال و الاحترام و الابتسامه اللي على وشوش كل اللي في المكانفتحنا المنيو الشيك و احترنا من كثر الاصناف و تنوعها لكن بدانا نختار علشان نجرب و نعرفكم راينابدانا بشوربة كريمة المشروم العالميه والغنيه قوي قوي و المعموله بمزاج وحرفيه عاليه قوي
بعدها نزلت السلطات و المقبلات اللي متقدمه بشياكه و طعمها بيذوب ذوبان خصوصا Boneless chicken wings و الصوص اللي معاها
بعدها دخلنا في الجامد و نزلت الاطباق الرئيسية اللي افتتحناها بالفاهيتا اللي قلبت المكان وقلبت مشاعرنا من صوتها و ريحتهاو بعدها طعمها اللي زلزل كل احاسيس التذوق مع اللحمه الطريه و الجوسي بشكل عجيب و ياسلام بقى على الخضار اللي معاها لما تحطه على الرز هاتدعيلي
وصل بعدها طبق ايمانسيه الفراخ مع الباستا بالصوص الاحمر و على الوش شويه بصل مكرمل و مقرمش حقيقي مش عارف اوصف قد ايه الطبق ده معمول بمزاج عالي قوي وصوص الايمانسه مع المكرونه عالميين
مالحقناش نكمل الايمانسيه الا ولقينا الكوردن بلو جاي ذايب في صوص الجبنه و التركي من جواه بينادي علينا ومع اول قطمه هتلاقي الفراخ ذابت في بقك لوحدها وصوص الجبنه ذوبك فيها كمان و كمان عشاق الباستا بقى يهيصوا لان الناس دي عندها باستا بصوص الريحان و باستا بفواكه البحر هايخلوك تذوق طعم عالمي عبقري على ارض التجمع الاول
البيتزا طريه و مكوناتها هايله و طعمها هايل
مانسيوش عشاق الساندويتشات بمنيو برجر كامل معمول بلحم بلدي صافي و صوصات من عمايل ايديهم بس ورينا هاتقدر عليه ازايفي كمان ساندويتش veal steak بلحمته الطريه و صوص الجبنه و العيش اللي بيزود الطعم جمال على جمالاول حاجه عملناها بعد ما خلصنا سالنا على الشيف المبدع محمد صلاح ‍ اللي وقفنا له احتراما وشكرناه انه عرفنا ان لسه المطاعم بخير و قهوتي اكبر و اقوى دليلالناس دي كمان متخصصة عصاير فريش و مشروبات مبتكره بس احنا كان لازم نحبس بعد كل ده بالشاي الاحمر من البراد الصاج
وعلشان الجو برد مفيش مانع من سحلب بالمكسرات و حمص شام بالشطه ياخدوك في عالم قهوتي الرائعفي كمان ميزتين حلويين في المكان و هما ركن للاطفال و كمان امكانيه حجز صاله منفصله تماما تتسع ل ٥٠ شخص لاقامة حفلات

 

انتقل إلى أعلى