☀️ فطور في ٨٨ ماركت-ذا كريب كافيه جده – أبحر الشمالية-

☀️ فطور في ٨٨ ماركت-ذا كريب كافيه جده – أبحر الشمالية-

 

☀️
فطور في ٨٨ ماركت-ذا كريب كافيه
جده – أبحر الشمالية- داخل شاليهات مانقروڤ

-☀️وصف المكان
كافيه دور واحد بجلسات داخليه و خارجيه ديكوره يغلب عليه اللون الأبيض و الزهري
لازم حجز على مرتين للدخول -✨أول مره قبلها ترسلهم رساله على الخاص بأسماء كل الأشخاص اللي جايين معاك والتاريخ والوقت
-✨و بعدين تأكيد للحجز قبل الوصول بساعتين
عند الوصول كمان فيه خطوات عشان تدخل
١- عند الباب الأمن يتأكدون من وجود أسمائكم
٢- بعدين تدخلون الاستقبال تعطونها سيرتكم الذاتيه لول! أمزح
تعطونها: توكلنا + رقم الهويه+رقم الجوال (لكل شخص) ولا يمكن الاكتفاء برقم جوال واحد
٣- بعدها كل شخص يدفع ٤٦ ريال عشان ينال شرف الدخول
٤- بعدين يعطونكم أساور و تدخلون الكافيه
الكافيه هو كافيه ذا كريب المعروف (له فرع عند سينما مجمع العرب)
-☀️الطلبات :
كريب إيطالي (بيض و خضار و جبنه) | ٣٦ ريال
كريب بالنوتيلا|٢٥ ريال
تشورروس (٦قطع)|٢٦ ريال
كابتشينو| ١٧ ريال
فلات وايت| ٢٠ ريال
مويه(نص لتر) | ٣ ريال
-☀️وصف التجربة:
التجربه لها قسمين:
– تجربة ذا كريب كافيه:
الأكل لذيذ و الخدمة حلوه بس بطيئة – المكان مافيه تهويه خرجنا ريحتنا طبخالأسعار ممتازة جدًا و الطلبات كلها لذيذة
الطاولات ما كانت نظيفة أبدًا و لمن طلبنا تتنظف مسحها بالمنديل و صارت أسوء من قبل
– تجربة ٨٨ ماركت:
للآن ماني عارفه ليش دفعنا ٤٦ ريال قبل الدخول ومقابل إيش بالضبط! البحر ممنوع نروح له و المكان ممنوع نصوره و الخدمات كلها مو متاح لنا منها شيء
غير ندخل الكافيه و نطلع!
عمومًا الكافيه من وجهة نظري خيار ممتاز جداً لزوار مانقروڤ فقط!
و بس والله

 






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *