‎ تقرير غداء و قهوة في مطعم بتيل bateelgourmet من أشهر





‎ تقرير غداء و قهوة في مطعم بتيل bateelgourmet من أشهر

 

‎ تقرير غداء و قهوة في مطعم بتيل bateelgourmet من أشهر المطاعم في جدة اللي محافظه على مستواها العالي و المنيو عندهم متجدد حسب الموسم الديكورات جميلة و المطعم دورين عندهم جلسات اوت دور تناسب اجواءنا هالايام لكن ما يبدأ استقبال الطلبات فيها الا بعد ٥ وربع العنوان ؛ لو برستيج مول ، طريق الملك ، جدة
لهم فروع خارج السعودية و في جدة ٣ فروع ( برستيج مول ، رد سي مول ، والتحلية ) في البداية قدمو لنا ضيافة سلة مخبوزات منوعه مع زيت زيتون وخل بلسمك
الطلبات ؛ سلطة فارو || ٥٨ ريال سلطة منوعة ومشبعه عباره عن خضار مع بصل مشوي وجبنة فيتا و زيتون سلمون مشوي مع الكينوا || ١٢٤ ريال طبق صحي ولذيذ السالمون نكهته حلوه واستواءه مضبوط والكينوا لذيذه جداً باستا ريسيتي الروبيان || ٧٤ ريال لذيذة
موهيتو برتقال وأناناس ||٣١ ريال منعش وعجبني سكره موزون عصير برتقال طازج || ٢٨ ريال وبعد الغدا حبينا الاجواء وطلبنا قهوة وحلا ؛ تارت التيراميسو مع الايسكريم || ٤٤ريال الحلا جيد لكن ابداً ماحسيت فيه نكهة تيراميسو ☕️ ٢ فلات وايت || ٤٠ ريال مضبوطه واحب انهم يقدمو القهوه مع حبة تمر
الاجمالي مع الضريبة > ٣٩٩ ريال للغدا والقهوة والحلا المكان رايق وحبينا الجلسة فيه لكن الخدمة كانت بطيئة صراحه اخذنا ساعة كامله لحد ماجات المنيو وطلبنا وقدمو لنا الاطباق الاطباق كلها لذيذه و من المطاعم اللي دايماً نرجع لها وحلو لكل الوجبات او القهوة اصنافهم لذيذة ومنوعة وأشوفكم في التقارير القادمة
بتيل حياة مطاعم حياة جدة حياة جده مطاعم جدة كوفيهات جدة كوفي جدة مطاعم كوفيهات jeddah bateel coffee cafe jeddah cafe jeddah now جدة الان

 





اترك تعليقاً

لن يتم نشر عنوان بريدك الإلكتروني.

انتقل إلى أعلى