يوم الاحد الي فات كنت ناوي اتعشى بره، كنت ابغى اكل

يوم الاحد الي فات كنت ناوي اتعشى بره، كنت ابغى اكل 1

يوم الاحد الي فات كنت ناوي اتعشى بره، كنت ابغى اكل

 

يوم الاحد الي فات كنت ناوي اتعشى بره، كنت ابغى اكل في مطعم المنيو فيه متنوع و لذيذ بس طفشت من مطاعم زي تشيلز و تشيزكيك فاكتوري؛ و بعد تفكير عميق قررت اتعشى انا و مراتي في مطعم جديد لسه دوبه فاتح في جدة طازه اسمو مطعم نينو الايطالي، شفت الحساب حقهم و اتحمست
ninoarabia
، و بعدين المطعم نينو فاتح في الرياض و البحرين و الان فتح جديد في جدة اكيد مطعم ناجح و لا ما كان فتح هنا،
المهم في صعوبه بسيطه في المواقف خاصتا انهم مقفلين تقاطع شارع فلسطين مع شارع الاندلس، دخلنا المطعم الديكورات كانت غريبه بس مو بطاله، المطعم كان في البدايه فاضي لكن بعد كده اتملى عل الاخر(عل الرغم انه جديد لكن باين ان سمعته جيده)
في البدايه يقدمو خبز عليه بصل، بدايه جميله لاباس بيه تصبيره عل ما يوصلك الاكل
المنيو مليان اشياء ايطاليه و غربية و اشيا منوعه، تقييم الطلبات كالتالي:
مقبلات
1 تمبورا ريبز رول
حاجه لذيذه عباره عن لحمه مهروسه و ملفوف عليها زر مقلي شبيه بالسوشي و عليها صوصات
اعطيها 5 من 5
سعره 55 ريال
2 جمبري بفلو
طلبناه حسب توصيه الويتر عباره عن جمبري مقلي عليه صوص طماطم و صوصات اخرى لذيذ
اعطيه 45 من 5
السعر 59 ريال
الطلبات الرئيسية
1 بيتزا ببروني “امريكانو”
من الاخر و بالمختصر المفيد بيتزا لذيذه عجيتنا و جبنتا ، عجينه خفيفه و مقرمشه تعطيك احساس انك في نابولي او صقلية (امكن بالغت في الوصف الاخير بس من جد لذيذه)
سعرها 63 ريال
اعطيها 5 من 5
2 ساندويش الدجاج المقلي
هو طيب الدجاج مقلي و الصوص و الخبز ابيض ممتازين بس مو اختراع خطير يعني ممكن المره الجيه اطلب شي تاني، يجي معاه بطاطس سميكه
اعطيه 4 من 5
السعر 62 ريال سعودي
الحلى
الصراحة ما اتوفقنا في الحلى طلبت
شوكولا بودينن سعر 44 ريال
اعطيه 2 من 5
شفت كذا عيله طلبت روزيتو بس انا شخصيا ما جربته، الخدمه لا باس
و سلامتكم
الموقع: شارع فلسطين الممشى بالقرب من تشيلز
تقييم جدة فودي

 

يوم الاحد الي فات كنت ناوي اتعشى بره، كنت ابغى اكل 1


انتقل إلى أعلى