واحد من أفضل المطاعم اللي تقدم البرجر في جدة تقييم وصلنا

واحد من أفضل المطاعم اللي تقدم البرجر في جدة تقييم وصلنا

 

واحد من أفضل المطاعم اللي تقدم البرجر في جدة
تقييم وصلنا من
abbasinho
اسم المطعم
كريڤ
عنوانهم
عندهم ثلاث فروع في جدة و فرع في مكة وقريباً في المدينة
تجاربي لمطعم كريڤ ماهي وليدة اللحظة
بدايتهم ببسطة الحفلات لوصولهم لأول فرع ماكانت مهمة سهلة
ماعلينا من الكلام الكثير ونخش على التجربة
طبق المقبلات المشكلة: عبارة عن مكروني تشيز وبوب كورن دجاج وأجنحة دجاج ،، ضروري تطلبوه كبداية لوجبتكم وللمشاركة كمان
سعر الطلب: ٢٩ ريال
كريڤ سنجل برجر: شريحة من لحم العجل الطازج مغطاة بالصوص وشريحة الجبنة وعشان تزيد المتعة أنصحك تاخذ دبل
سعر الطلب: ٢١ ريال للساندويتش
كريڤ دجاج: صدر دجاج مقرمش وعليه جبنة سايحة معمول بطريقة جيدة
سعر الطلب: ٢١ ريال للساندويتش
الحلقة الأخيرة: من طلبات المنيو السري عبارة عن لحم عجل طازج بوزن ٢٠٠ جرام بمكونات رهيبة وجبنة على الوجه معمول بطريقة غريبة بصراحة هذا البرجر ماراح تندم لو جربته
سعر الطلب: ٥٠ ريال مع البطاطس
سيكول برجر: من طلبات المنيو السري عبارة عن لحم عجل طازج بوزن ٢٠٠ جرام وعليها طبقة غنية من البصل المقرمش وجبنة وشريحة من اللحم المقدد حاجة ممتعة
سعر الطلب: ٥٠ ريال مع البطاطس
حلى كريڤ: ختامية رائعة لوجبة ممتعة ولذيذة عبارة عن آيس كريم فانيلا يغطوه بصوص الكاراميل وفوقه وداخله حبات من البراوني المكرمل حاجة ماراح تنساها وطريقة التقديم مميزة
سعر الطلب: ١٨ ريال
كريڤ يعتبر من المطاعم اللي أحبها شخصياً في تقديم البرجر و مصعب حريري ماشاء الله عليه إنسان مجتهد يحاول دايماً الابتكار
متوفر عندهم قسم عائلات في فرع البساتين و أبحر و مكة
نشوفكم في تقرير قادم
♥️

 

الموضوع منقول









انتقل إلى أعلى