هل كلام الشيف أحمد مساوى حيخليك/ي تتنازل عن مكانتك الإجتماعية وتسيبها

هل كلام الشيف أحمد مساوى حيخليك/ي تتنازل عن مكانتك الإجتماعية وتسيبها

 

هل كلام الشيف أحمد مساوى
حيخليك/ي تتنازل عن مكانتك الإجتماعية
وتسيبها في البيت زي مايقول أنا عن نفسي ماعندي مشاكل وأنتوا
كيف ؟!

تقييم اليوم وصلنا من حبيبنا الشيف ahmadmesawa – تقييم مطعم ” كبابش ”
تقييم احمدمساوى
عنوانه: شارع الأمير ماجد ، بين التحلية وفلسطين
فيه قاعدة أساسية مهمة ، لما تحب تتعرف على الأكل الهندي أقرب ما يكون على أصوله تنازل عن مكانتك الإجتماعية وسيبها في البيت وأنزل الأماكن اللي يتمركزوا ويعيشوا فيها أخواننا من الجالية الباكستانية ، ونقي المطعم اللي زباينه باكستانيين ، وادخل وشوف الوضع العام ، اذا ناسبك جرب وعيش التجربة ، واذا ما ناسبك لا تغامر
مطعم كبابش الباكستاني/هندي/صيني ، الهندي والباكستاني بينهم عنصرية ، وكل واحد يحاول يثبت ان ثقافته مختلفة وأفضل ، لكن الواقع يقول ان باكستان هي دولة اسلامية منشقة من الهند ، وكلهم شعب واحد والفروقات بينهم وفي أكلهم بسيطة
زرت مطعم كبابش الذي يُدار من أهل كراتشي وكانت النتيجة كالتالي:
١- طبق رئيسي ” دجاج مسحب بالقشطة ” السعر (٢٠ ريال)
التقييم ١٠/٤
الوصف: بداية غير موفقة بطلب من توصية الجرسون ، قطع الدجاج مكعبات صغيرة وقاسية نسبياً ونكهاتها عادية وليست عميقة
٢- طبق رئيسي ” دجاج بالزنجبيل ” السعر (١٨ ريال)
التقييم ١٠/٨
الوصف: طبق ممتع بعمق نكهاته وتركيبته الباكستانية المميزة
٣- طبق رئيسي ” كراهي قوشت ” لحم ضاني مقلقل ، السعر (٢٠ ريال)
التقييم ١٠/٨
الوصف: الذ طبق على المائدة بنكهة بهاراته المركزة وطراوة اللحم الضاني المستخدم وطريقة التقديم المميزة على الصاج ، ويستحق أن أعود لأجله
٤- حلى ” قولاب جامون ” قطعتين السعر (٦ ريال)
التقييم ١٠/٨
الوصف: الحلى الهندي الشهير ، عجينة متحمصة وطرية وشاربة شيرة كثير ميزتها في النكهات ، والحلى الهندي والباكستاني حلاوته صارخة كما أن أكلاتهم بهاراتها صارخة
متوسط السعر للشخص = ٢٥ ريال
إيجابيات:
١- عمق النكهات
سلبيات:
١- الجودة
٢- لا تطلب كباب لحم أبداً
التقييم العام = ١٠/٦,٥
ملاحظة: لما تدخل مطعم زي هذا وتحب ان الفلفل يكون وسط في الأكل ، قول للجرسون انك ما تبغى فلفل أبداً ، وهذا اللي صار معانا وجانا الكراهي حار يشلوط وممتع في نفس الوقت
يسألك الجرسون اذا تبغا زبدة على الأكل ، اياك تتهور وتقول ايوه ، لأنه بدون زبدة يجي غرقان في الـ “قي” او في الزيت زي ما يحبوه هما
تحياتي،،
أحمد مساوى منشن عشاق الأكل الهندي والباكستاني

 

انتقل إلى أعلى