هلا بمجتمع جدة فودي ده راح يكون اخر بوست لرحلتي الفودية

هلا بمجتمع جدة فودي ده راح يكون اخر بوست لرحلتي الفودية 1

هلا بمجتمع جدة فودي ده راح يكون اخر بوست لرحلتي الفودية

 

هلا بمجتمع جدة فودي
ده راح يكون اخر بوست لرحلتي الفودية لمدينة دبي قبل ما نرجع لتقييم مطاعم جدة
و انا في دبي سمعت عن قصتيين من ناس ثقه لهم تجربه سلبيه مع مطعم التركي نصرت
القصه الاولى
شخصيين زارو المطعم و طلبو طلبيين كل طلب ب٢٥٠ درهم يعني الفاتورة في النهاية المفروض تكون ٥٠٠ درهم تقريبا
لكن بعد انتهاء الاكل و عند الدفع, الفاتوره كانت ١٤٠٠ درهم و لمن اتكلمو مع الويتريه طلعو منيو تاني باسعار مختلفه (يعني شغل عبط و نصب)
القصه التانيه
جماعه راحت المطعم و المطعم نزلهم اكل اكتر من الي طلبوه عشان الفاتوره تكون محترمه
قصص العبط و اللعبطه صارت تقريبا قبل سنه ما ادري اذا وضعهم اتعدل الان او لا؟!
بس اسعارهم فلكيه (بعكس نصرت استنبول) و زي ما شفتو اغلى و افخم مطعم ياباني في دبي الفاتوره طلعت ٨٠٠ درهم لتلات اشخاص عشان كده شفت انه مو محوج ان ازورت مطعم نصرت في دبي
و لكن اذا اصريت تروح مطعم نصرت و عندك فلوس محتار فين تدفعها؛ خليك حذر في طلباتك اتاكد من الاسعار و من الفاتورة و لا تخليهم يطلبو على كيفهم لازم تشوف المنيو و تطلب انت بنفسك
وايضا من المطاعم الي كان ودي ازورها بس ما اسعفني الوقت
مطعم
Slider station
و مطعم
Parkers
مطعمين سمعتهم جيده و لو كان عندي وقت كافي كان جربتهم
و اخيرا ما ادري ليش في متابعيين يزعلو لمن اقيم مطاعم مدن اخرى في النهايه انا اقيم مطاعم جدة و اي مدينه ازورها
وسلامتكم
جدة فودي في دبي
تقييم جدة فودي
beautiful

 

هلا بمجتمع جدة فودي ده راح يكون اخر بوست لرحلتي الفودية 1


انتقل إلى أعلى