نقول بسم الله و حقصلكم ~ ~ كبداية اول ما سجلنا





نقول بسم الله و حقصلكم ~ ~ كبداية اول ما سجلنا

 

نقول بسم الله و حقصلكم ~
~
كبداية اول ما سجلنا بالحملة
طلبو مننا نتطعم للحج ( الانفلونزا الموسمية + لحمى الشوكية )
و يعطوكي المستوصف بطاقة تصريح للحج اعطونا الحملة شنطة كبيرة سفر مع شنطة كتف كبيرة نحط فيها ملابس الحج في اليوم السابع //
كان التجمع لحجاج جدة في قاعه المملكة رحنا هناك على الساعه 5 العصر
و لما اكتمل العدد على المغرب حركنا على المكة
مع ازدحام الباصات و الطرق المقفله وصلنا المكة الساعه 10:30
>> اشوه انو قبل ما نروح لتجمع وقفنا ماك و اخذتلي وجبه << اللي راحو بدون ما يتغذو تعبو مراا و داخو ~ معنو الحملة موفرة ماشاءالله سناكات لوزين و كدا بس الجسم يحتاج بروتين ( فضروري الواحد يتغدا قبل يخرج)، الحمدالله خلصنا طواف القدوم و سعينا على الساعه 2:30 نهائي ما كان زحمه الطواف و السعي بعد 12 بدأ يزدحم بس قبل كان ماشاءالله طواف سريع و خفيف اخف من طواف العمرة برمضان و اتجههنا للمخيم و استقبلنا و اعطونا شنط ظهر داخلها ( مظلة شمسية + كيس للعناية الشخصية فرشة و معجون و صابون + حجرات الجمرات + سجاد + كتب ادعيه) اليوم الثامن // كلو جلسنا بمخيم منى و عملو محاضرات و عرفونا بالحج اليوم التاسع (عرفة )// صحونا على الساعه 3:30 الفجر و اعطونا اساور محطة القطار و قالو استعدو للتفويج بيبدأ 5 الفجر كان وقت تفويجنا (مجموعه 6 ) الساعه 6:40 ماشاءالله مع تنظيم وزارة الحج للمخيمات و التفويج نهائي مافي اي تدافع ولا زحمه بتاتا المتعب كان بالانتظااار مع انتظار التفويج و القطار وصلنا لمخيم عرفة على الساعه 9:20 توقعنا انو الظهر على 2:20 انو بنخرج و نطلع على جبل عرفة ! لكن لا النظام الان انو الكل يقعد و يتعبد بمخيمه لانو المخيمات داخل منطقة عرفة فمالو داعي الخرجه (( فعشان كدا اللي اشترى مظلة الموية ما استخدمها - و كان افضل الواحد يجيب بخاخ مويو لانو مع الانتظار و الرطوبة داخ البعض فالموية تبرد )) و ماشاءالله مطرت و ارعدت الظهر فيارب يتقبل مننا الدعاء و يجعل حجنا حج مبرور ♥️ على الساعه 7 المغرب بدأ التفويج على مزدلفة على اساس نصلي المغرب و العشا بمزدلفة لكن ماشاءالله العدد كبيير و الحملات كثير مافي تدافع ولا ازدحام صح لانو بين كل حمله و حمله تاركين مسافة لكن كان الانتظار متعب و مسافة المشي للمحطات القطار من مخيمنا حق عرفة بعيدة ابببععععد مخيم لعرفة عن القطار مخيمنا هنممف المهم كان يوم متعب و انا ضعت و اطريت امشي لحالي بدون الحملة و الحمدالله وصلت على مخيم مزدلفة 11:20 - -تابع-

 





اترك تعليقاً

لن يتم نشر عنوان بريدك الإلكتروني.

انتقل إلى أعلى