نادي بوظبي للرياضات الشراعية و اليخوت، ينظم كل ثلاثاء يوم خاص
نادي بوظبي للرياضات الشراعية و اليخوت، ينظم كل ثلاثاء يوم خاص للنساء من الساعة 3-7
و العدد محدود جدا عشان جي كنت محتارة في فكرة اني انزل، يقبلون في اليوم 20 شخص بس و الأولوية للي يحجزون قبل عن طريق الواتساب
050 321 2296
المكان يكون محجوز لكن ما نقدر نقول انه في خصوصية تامة، لانه بحر مفتوح، و في بنايات مجاورة لكن بتبعدون عن المضايقات و المساحة الموجودة واسعة بتقدرون تسبحون على راحتكم بعيد عن الناس ، اذا كنتو متحجبات البسو اللبس الإسلامي
بمجرد ما تحجزون تقدرون تستخدمون كل المعدات و فيه غرف للتبديل بخصوص القوارب الشراعية يعطون كلاسات تجريبية حاليا، اذا حبيتو ممكن تدخلون كلاسات شهر يناير و تحصلون الشهادة، و هالشهادة بتخليكم تدخلون وقت ماتبون انصحكم تجربون يمكن تقررون تكملون
بالاضافة تقدرون بس تسبحون، او تاخذون الكاياك و البادل بورد و الايف جاكيت اكيد موجود، بعد ما تخلصون من استخدام الأغراض ترجعونها بنفسكم، يعني مافي حد بيشل عنكم الكاياك لازم تعتمدون على نفسكم
اسألوني اي سؤال في خاطركم