ميلك آند بَتر سبا جده-حي المرجان-طريق الملك- بجوار دانكن دوناتس – وصف

ميلك آند بَتر سبا جده-حي المرجان-طريق الملك- بجوار دانكن دوناتس – وصف

 

ميلك آند بَتر سبا جده-حي المرجان-طريق الملك- بجوار دانكن دوناتس
– وصف المكان:
محل سبا دور واحد مساحته صغيرة يقدمون كل خدمات العناية بالأظافر، حرفيًا كلها تنظيفات بأنواع و روائح كثيرة مناكير و جل و نيل آرت و أشياء أخرىو كمان عندهم خدمات للعناية بالجسم و الشعرعندهم كمان ميني بار يقدمون فيه مشروبات للزباين(غير مجانية)
المحل صغير و يفتح من ٣الظهر-١١مساءًا لذلك دائمًا زحمة وما تلاقون مواعيد
– الخدمات:
بديكير و منيكير (مع الأدوات) |٢٥٠ ريال
– وصف التجربة:
بحط لكم تجربتي في نقاط سلبيه و إيجابية:
– الإيجابيات:
شغلها حلو
بعض الموظفات محترمات و احترافيات
عندهم عدة تلوين عشان الواحد يقضي وقت في شيء مريحعندهم شماعة كيوت تعلقين فيها شنطتك
عندهم كل أنواع المناكير بعضها ما كنت ألقاه إلا في بريطانيا و لقيته عندهم (كونهم علامة بريطانية مسجلة)
السعر يشمل الأدوات وهذا شيء كان مريح بالنسبة ليأعطوني سليپرز جودته ممتازة لمن خلصنا وقدرت أخرج فيه للسيارة
– السلبيات:
حجزت موعد بطلوع الروح و لمن وصلت قالت ما فيه موعد مسجل اللي ردت عليك متدربة وكتبت الموعد على ورقة ما سجلته في السستم ‍♀️
و بعد نقاش و مماطلة وكل وحده تنادي لي الثانية قالوا انتظري و بعد ١٠ دقايق بدأت مع وحده تتكلم فرنسي و انبسسسطت ما مداني أقولها كومونتاليڤو؟ إلا أخذوها و جات وحده غيرها تكمل ‍♀️
مكان البديكير و المنيكير مره مو مريح و صغير كأني في مطبخ ‍♀️
حرفيًا جالسه و قدامي دولاب مطبخ وعليه صحون و مايكرويڤ و مافيه مساحة كفاية بين الدولاب و الكرسي عشان تجلس الموظفة و ترتاح في شغلها
الأماكن ماهي مجهزه بمغاسل للأقدام يمكن الديكور عاوز كده! بس مره حوسه وهي تبلب المنشفه و تمسح رجلي و تجيب غيرها و تكمل حسيت لغوصه كثيرةالأدوات كلها من قسم المطبخ حق إيكيا يعني ما حسيتني سويت بديكير في محل حلو خصوصًا لمن خلتني أحط يدي في صحن الشوربة حق ماما
و أغرب شيء و اللي فعلًا ماني فاهمته! إني كنت لحالي في الصالون مع زبونه ثانيه و مع ذلك دائمًا يقولون فل مافي مواعيد و كمان لمن وصلت تقولي ما لك موعد!! طيب فين الناس بسم الله !!
أتوقع إنها سياسة تسويقية where they play hard to get!
و في الختام:
مشوار البديكير و المانيكير الشهري بالنسبه لي مشوار دلع و راحة و فزلكة وقهوة و استرخاء لذلك مرررره أهتم بأبسط التفاصيل ومره تفرق معايه المعاملة و الاستقبالو صراحة في ميلك آند بتر ما حسيت لا بالتقدير ولا بالاهتمام ولا أصلًا حسيت إني في قسم سبا
و بس والله

 

انتقل إلى أعلى