موفي سينما الاحساء مول في الهفوف

موفي سينما الاحساء مول في الهفوف 1

موفي سينما الاحساء مول في الهفوف

• Muvi cinema 📽

التقرير الاول

اول سينما تفتح بالاحساء 😍 المكان نظيف ومرتب المساحة مو كبيرة بس تعتبر مناسبة فيها ٩ قاعات للعرض ( اعتقد جالسين يسون توسعة )

الطلبات كانت :

٢ بوب كورن ” واحد صغير وواحد كبير ” + ناتشوز + كولا ب ٩٠

ريال

والتذكرة ب ٧٠ ريال للمقاعد الي ورا اما الي قدام ب٦٠ ريال

” للقاعات العادية” اما القاعة الثانية السعر اعلى

▫️الموقع : الهفوف ، الاحساء مول

▫️الاسعار : تعتبر مرتفعة من ناحية الاكل والتذاكر

التقرير الثاني

اليوم اول مره اروح سينما في السعوديه

وكانت في نفس منطقتي الحسااا 😍🤞🏻

أحلى شيء بعد الفيلم ترجعين بيتكم بدون مشوار طريق 😂

حبيت التجربه والمكان مره مرتب وحلو، من ناحية الديكور والتعامل وقاعة السينما بعد 👌🏻

واهم شيء البوب كورن لذيذ بعد 😋🤣

بقولكم عن اهم الشغلات اللي ودكم تعرفونها:

▫️مكان السينما في الأحساء مول وعندهم حجز تذاكر اونلاين لكن مع زياده ٥ ريال

▫️تذكرة الفيلم اللي دخلته Mulan ٥٥ ريال ويختلف من فيلم للثاني

▫️البوب كورن الصغير ٢٣ / الوسط ٢٤ / الكبير ٢٥ الفرق بسيط في السعر لكن للي يهمهم ترا السعرات تفرق كثيييير 😉🤰🏻انا طلبت الصغير حجمه مناسب وكثير هو والبيبسي دايت 🍿🍺

▫️ملاحظه: القاعه مره بارده ماشاء الله 🥶 وفيه اكبر من اللي صورتها.

بالنسبه للفيلم عجبني صراحه، قصه مُختلفه ومو مزعج 🎬

ان شاء الله الايام الجايه يكون فيه زياده في الافلام 👏🏻

التقرير الثالث

مساء السينما🍿🎥

مين باقي ماجرب سينما الاحساء مول 👀💭💭

بعد ماجربت كل انواع القاعات راح اتكلم لكم عن تجربتي عشان يكون مرجع لكم🌱

المكان ماشاء الله شرح ومهيء لتجربة سينما ممتعه الممرات مبدعين فيها برسمات مبدعه😍❤️❤️

السينما تحتوي على ٨ قاعات عرض للافلام🎥

القاعة الاولى الفاخرة اكسبرينس🌟🌟🌟

تتميز بالحجم الكبير والشاشة الضخمة ومؤثرات صوت العالية جدا ذات جودة👌🏻👌🏻 تحسسك بشعور السينما😍 بالاضافة الى الكراسي الفاخرة و الواسعة والقابلة لتمدد🤩 بالاضافة الى كل مقعد يوجد توصيل خاص لشحن الجوال📲 سعر القاعه ٧٥ ريال 💭

القاعات العادية🌟

يوجد نوعين بكل قاعة ستاندر ( الصفوف اللأمامية) كراسيها جدا عادية ولونها اسود وسعرها ٥٥ ريال 💭

اما البريميوم ( تبدا من المنتصف الى الصفوف الاعلى ) كراسيها زرقاء ( جلد وتتمدد الى الامام ) وسعرها ٦٥ ريال 💭

بالنسبه للقاعات العادية لاحظت ان مؤثرات الصوت مو عاليه كثير 📍📍📍

يوجد منطقه مخصصة للمشروبات والاطعمة🍹🍿

يمنع دخول الاطفال الاقل من عمر٣ سنوات🚦

طريقة شراء التذاكر اما عن طريق الرابط او ابلكيشن muvi طريقة الحجز مثبتة بالهايلايت🤳🏻

ملاحظة الي راح يشتري التذاكر من الموقع راح تضاف قيمة ٥ ريال 💭💭

الموقع: الهفوف – الاحساء مول بوابة ٤ 📍

التقرير الرابع

موڤي سينما 📽

اهلا اهلا ومساكم خير اكيد وصلكم خبر افتتاح السينما هذا بعض محتوياتها 😇

السينما تحتوي على ٨ قاعات عرض للافلام تتسع اكثر من ٩٠٠ شخص

القاعه الاولى الفاخرة إكسبيرينس⭐️

تتميز بالحجم الكبير والشاشه الضخمه والمقاعد الجلد الفاخره والواسعه ولكل مقعد توصيلات خاصه لشحن الجوال بالاضافه الي انه قابل للاماله للخلف مع مؤثرات الصوت المميزة اتموس

القاعات العاديه ✨

مقاعدها جلد وقابلة للاماله للخلف ومريحه وتصنف الى فئه premium وفئه الrugler

‎المنطقة مخصصة للأطعمة والمشروبات🍟🍿

‎غرف مخصصة لمصليات الرجال والنساء

الاسعار تتروح من ٥٥ الى ٦٥ ريال للقاعات العاديه مع اضافه ٥ مبلغ للحجز الالكتروني اما قاعه إكسبيرينس متوقع بسعر ٧٥ للشخص 💸

.

.

يمنع لمن اقل من ٣ سنوات الدخول 👼🏻

.

.

أوقات العمل المتوقعة حاليا

⏰من الساعه ٩ ص وحتى الساعه ٣ ص

.

.

الموقع 📍الهفوف – الاحساء مول بالقرب من بوابه ٤

موفي سينما الاحساء مول في الهفوف 1
انتقل إلى أعلى