موضوع شيق وجميل وصلنا من حبيبنا aidoadvisor فول الغامدي- فوال الامير

موضوع شيق وجميل وصلنا من حبيبنا aidoadvisor فول الغامدي- فوال الامير

 

موضوع شيق وجميل وصلنا من حبيبنا aidoadvisor فول الغامدي- فوال الامير – فوال بانعمه – القرموشي – ابوزيد – الجزيرة
حنتكلم عن الفول في جدة طبعا اهل مكة والمدينة و الطائف ((انا عندي قناعه انه الفول عندكم أطعم من عندنا)) لكن هذا لا يمانع اننا نهايط شويه و نتفشخر بالتعدد العظيم اللي عندنا الفول ومن زمان اول معروف انه الوجبة اللي تمسك البطن عن الجوع لين العصر و لرخص السعر تلقى الشعب كله خابط فول على الصبح واظن حطينا مشكلة الكسل بسبب الفول و الواقع انه الفول ما له ذنب انت ايش مسهرك في تلوتيتك ولا اتنينيتك هههه الفول مسكين ماله زنب
الفن في الفول انواع الفول بالبهارات و الفول بالفحم وحبات البصل (انا اعشقه) الفول بالسمن او الزيت وطبعا الفول القلابه
هادي الستاندرد من انواع الفول بعد كده ما زاد فهو عبارة عن تسويق و ارتجال شخصي معروف في الغرب باسم (product & development) هذا القيم عندنا غالبا ما يكون فوق السرير او في جلسات قهاوي و عليه انت و حظك ههههه تصحى وانت صاحب المحل تعملك فيلم و تيجي تجربه على الشعب مثال اجدادنا يقولك الفول يتاكل مع الشريك!! ياهوووو هاو كوم!؟ الفول مع التميس و سيبكم من الكلام ابو شريك وللأسف طلع كلام اجدادنا صحيح واحنا شعب محدث بسبب ((تطوير المنتج)) وصرنا نأكله مع تميس ((ماركتنج يا حبيبي)) الفول في رمضان يقولو عنه ملك السفره يعني سفره ما فيها فول انسى رمضان خلص وعشان كده فكره انك تلاقي فول ممتاز في رمضان ومع الزحمه الطوابير تخلي الواحد يعيد النظر و يجيب حفاظه كبيره و يخزن حق كم يوم لانه والله مستحيل الواحد يوقف طابور ابو ساعتين عشان ٥ ريال فول والامهات ما يعرفوا دا الشي تجلس تزعق في ولدها وتقوله روح كل يوم!!! ترا انا حافطر على الطابور ههههه ،وعليه يا اخوان جيبو سواقين اريحلكم منها مشاوير المدارس ومنها يوقفوا في طابور الفول من بعد صلاة العصر مباشره
احنا في اهل جدة نقيس مستوى معيشتنا بالفول الناس الكاش اول الشهر ما ياكلو فول يبدأ دلع شوبك و فطور فارس و امريكان كورنر هيا كلها ١٠ ايام يا مليح وينشف الجيب وترجع وتلاقي المعلم فوق الدككه شامخ مع الجره و سطل الطحينة و الفلفل يقولك ((هيا تعاااااال)) ههههههه الموظفين في الارض مساكين تلتين المده الزبدة ((فول في جدة، نمط الحياة))
شكراً
يلا انا حاروح اكل فول من عم صالح بانعمه
aidofood
عيدو الحجاز
حياكم الله في حسابي للطبخ تابعوني
dhom bagies2015
dhom bagies2015

 

الموضوع منقول



انتقل إلى أعلى