من اقصى جنوب جدة تجربة اليوم لمطعم بن جابر للاسماك بحي

من اقصى جنوب جدة تجربة اليوم لمطعم بن جابر للاسماك بحي

 

من اقصى جنوب جدة تجربة اليوم لمطعم بن جابر للاسماك بحي الخمرة
المطعم كان عنده فرع ثاني في نفس المنطقة لكن قفل ورجع فتح فرع الثاني في طريق عسفان
في العادة احب يكون السمك المشوي هو الحريد لكن من باب التغيير جربنا سمك فارس وصراحة كان اختيار ممتاز بالنسبة لنوع السمك اما الطبخ عندهم برضوا كان ممتاز لاني استطعمت فيه طعم الشواء اكثر من بهارات
رز الصيادية مختلف عن المطاعم الثانية لانه من النوع الامريكي (زي ابو بنت) وفرق الطعم كان بسيط عن المطاعم الثانية
كجودة اكل اكيد انصح بالتجربة لكن غير كده ما اعيدها بسبب الخدمة وبغض النظر عن طول الانتظار المباشرين في كامل المطعم اخلاقهم في اخشامهم ما يرضوا ينظفوا الجلسة الا لمن توصل طلباتك (يعني تستنى مع بواقي اكل اللي كانوا جالسين قبلك) تطلب بارد او موية يجيبوها لك ولمن تطلب طحينة يقولك روح انزل جيبها بنفسك مافي لهم نظام واضح انه يا تخدم نفسك بنفسك او تطلب من المباشر اتمنى اللخبطة دي ما تكون موجودة في الفرع الجديد
اعطونا تجاربكم لنفس المطعم ورشحولنا مطاعم ماكولات بحرية تستاهل الزيارةوتذكروا (لولا اختلاف الأذواق لبارت السلع)
jeddah jeddahrestaurants jeddahfood seafood seafoodlover grilledfish shrimp fish friedfish sayadieh realfoodtaste sa
جدة مطاعم جدة الخمره مأكولات بحرية سمك جمبري روبيان صيادية هامور سمك فارس

 

الموضوع منقول

انتقل إلى أعلى