مطعم ڤير دور بشارع التحلية

مطعم ڤير دور بشارع التحلية

كانت الحمدلله زيارة موفقة كل الطلبات لذيذة طلعنا منه وإحنا في قمة الرضا
سواءً الأكل أو الخدمة أو الأجواء ..بعضنا ما عجبته الأجواء يقول صوت الموسيقى عالي جدًا
بس يشفعلهم لذة الأكل
طلباتنا كانت سلايدر دجاج يمدحوه اللي أكلوه
فتوش الكيل والكينوا ما يشبه الفتوش بس  كان لذيذ و مبتكر تتبيلته موزونة
بيتزا مارجريتا عجينتها عجيبة و خفيفة ما تحس بإنك أكلت شي دسم
شورت ريبز هذا كان مفاجأة بالنسبة لي متعودة على الشورت ريبس تكون كمية راهية و كبيرة في المطاعم المختصة بس هنا جا قطعة صغيرة جدًا تناسب الفاين دايننق يعني سعرها كثير على حجمها
بس يجيبوا معاها بطاطس مقلي ترضية. 😅
نجي للقنبلة حقتهم الحلى بريك مي صراحة شي من الآخر مع إنه مو نوعي المضل من الحلى لكن هذا وقعت في غرامه عبارة عن طبقتين براونيز بينهم طبقة آيسكريم كراميل و مغطى بقشرة شوكولاتة تحتها كريمة حليب ما أعرف كيف أوصفه بس كذا ياخذك لعالم آخر ..
الآيسكريم لذيذ جدًا والبراونيز فريش و كل مكونات الطبق متناغمة مع بعض اللي يروحلهم لازم يجربه
  • المشروبات جربنا عصير رمان و بيبسي وموية
  • أسعارهم متوسطة إلى مرتفعة فاتورتنا حدود٤٥٠ مع الضريبة
  • الموسيقى عزف عود لايف
  • مسموح للأطفال
  • مناسب لذوي الإحتياجات الخاصة
  • مافيه حواجز
Image.jpegImage.jpegImage.jpegImage.jpegImage.jpegImage.jpegImage.jpeg

انتقل إلى أعلى