مطعم وكافي هاينان في ملاهي الشلال

مطعم وكافي هاينان في ملاهي الشلال

 

|| السلام عليكم || ~ نعود بحذر
تقييمنا لمطعم وكافي((هاينان)) يقدم الأكل الصيني
حي الشاطىء-بداخل ملاهي الشلال
أوقات الدوام:
يومياً من : ٥ عصراً- ١ صباحاً===============
{ طلباتنا }
رز مقلي بالخضار بـ ٣٣ ريال لحم بقري بالفلفل الأسود بـ ٩٧ريال قطع دجاج بالفلفل الحلو بـ ٥٩ ريال آيس تي بالليمون بـ ١٥ ريال بيبسي بـ ٧ ريالحسابنا كان مع الضريبة= ٢٤٢٦٥ ريال=============
⚪️الأكل صراحة مرررة لزيز لايفوتكم يستاهل تجربوه، الرز بالخضار لزيز نفس الرز الصيني اللي بنجربو في المطاعم الصينيةواللحم مرررة طعم اللحم صح في فلفل أسود بس ترى مو حار بالعكس أداه نكهة لزيزة الدجاج برضو كويس يعتبروالآيس تي فيلو حموضة شوية بس مهو سيء عادي يعني هوا يعتبر من المطاعم الصينية اللزيزة اللي تستاهل الواحد يجربهاوكمان ماشالله كمية الأطباق عندهم كبيرة يعني تكفي من شخصين لأربعة أشخاص———-
أجواء المطعم
أفتكر أول ماروحتلو انفجعت مررة إنو في مكان زي كدا في جدة من كتر ماهوا يجننن يفكرني
بالمالديف مررة أنا أصلاً أسميه المالديف كل ماأحد يسألني عنو كدا نفس الديكوراتوأحلى شي لما يكون الجو حلو تنبسطو في الجلسات أكتر،بس هوا عموماً الجلسات مكيفةوصح ترى كان عندهم معسلات قبل كورونا============
⁉️ هل الكافي يستحق الزيارة ؟
⬅️يستحق وبقوووة كمان يعني اللي مايعرفو حقيقي لازم يجربو هوا مشكلتو إنو الدخله حقتو من نفس دخلة ملاهي الشلال زمان كان ليه دخله من برا بس اتقفلت دحين وصح لو تبغو بس تدخلو تشربو قهوة وتآكلو حلا من غير أكل ينفع ترى بس لازم تدفعو عند بوابة الشلال ٣٥ ريال للشخصبالنسبة لأسعاره أنا أشوفها مقبولة بالنسبة لكمية الأطباق——–

 

انتقل إلى أعلى