مطعم نارجينا سيدة ابدعت في طبخ الجاوي و قررت هيا وابنها

مطعم نارجينا سيدة ابدعت في طبخ الجاوي و قررت هيا وابنها

 

مطعم نارجينا
سيدة ابدعت في طبخ الجاوي و قررت هيا وابنها يفتح محل على قدهم كده محندق (ما هو المحندق؟)
في حي المروة
narjinasa
narjinasa
narjinasa
مافي فزلكه رز مشكل و ساتيه
فقط للتنويه وانا مسؤول عن كلامي
(((هذا مطعم جاوي يستاهل انك تطلب منه حتى لو كنت في ابحر)))
ليش قلت كذا؟:
– الطعم تحس فيه اكل جاوي زمان اللي في مطاعم مكة الجاويه
– طريقة تقديمهم للطبق فنانه
– الساتيه الساتيه … الساتيه الساتيه (موناليزا الاكل الجاوي ياخواتي)
المطعم حتلاقي واحد شخص يخدمك و يحاسب و كمان يستقبل طلبات خارجيه يعني من جد الله يكون في عونه … صغير في حجمه المطعم لكن طعمه يخليني اخرج من بيتي للروضه واروح له
المطعم ما كمل سنه ويا بخت اهل حي المروة فيه
اقول كمان؟
(اصحاب المطاعم الجاويه الصغيرة… نارجينا تذكروا الاسم كويس لانه بعد فترة حتلاقي طوابير وحتلاقوا الناس انتظار
ولو تحبو تتاكدوا مداكم تطلبوه عن طريق jahezapp
جاوي جده مطعم
اعلان واكون لي الفخر انه اعلن له

 






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *