مطعم ميدلي Medley

مطعم ميدلي Medley
شارع احمد العطاس …. هاشم سنتر 📍 جدة
@medley.sa
سمعت عنه كثير وقرأت تعليقات كثير … حبيت اجربه بنفسي
 المطعم من جلسات خارجية وداخلية ولان الجو حلو حبيت اجلس برا بس ماشاءالله زحمة
جلست جوا لين فضيت طاولة وطلعت استمتعت بالأكل فالجو الحلو 🥰
الموظفين كانوا جداً رائعين وودودين … ربي يسعدهم
يقدموا ضيافة طبق من شرائح الزعتر والسمّاق واللبنة 😍 الله يكرمهم
طلباتي ورأيي بكل صراحة
كانت :
طبق موزة الخروف تقدم مع الروزيتو  ١١٠ ريال  لذيذ مرة 😘👌🏻
برغر الواقيو  ٥٢ ريال  اعطيه ٦/١٠
سلطة بوراتا ٧٤ ريال لذيذة😍
بطاطس مقلي بالترافل ٤٧ ريال انا ماحب الترافل ابداً قلت ممكن بدون الترافل ؟ قال اوكي ولكن بنفس السعر 🤦🏻‍♀️ وطعمه بالظبط البطاطس المجمدة الي فالسوبرماركت اعطيها ٦/١٠
كولا ١١ ريال
موية مقاسها وسط ١٣ ريال
بشكل عام المطعم لذيذ ماشاءالله ومميز 😍 ولكن الاسعار فعلاً مبالغ فيها وخاصة سعر البطاطس والسلطة  يعني اللحم يستاهل والبرغر ايضا مبالغ فالسعر
طبعاً لولا اختلاف الاذواق لبارت السلع 📌  كل انسان وله مقاييس للتذوق 😍🙃
يعطيهم العافية يارب ♥️
وان شاءالله حكرر الزيارة لاجرب اطباق ثانية واحلّي عندهم 😍 شكل الحلى عندهم يشهي 😍😋
شكراً ميدلي 🙏🏻😍 لحسن الاستقبال وجودة الطعام
تجربتي الجميلة وحبيت اشارككم ♥️
Image.jpegImage.jpegImage.jpeg

انتقل إلى أعلى