مطعم لازا جدة شارع الامير سلطان

مطعم لازا جدة شارع الامير سلطان

 

صباح التمّيز واللذاذة
مين فيكم جرب الأكل الأوزبكي ؟
يشبه الأكل البخاري ولكن يختلف شوي عنه من البهارات وغيره ✌
مطعم لازا LAZA UZBEK CUISINE
@lazauzbek
شارع الأمير سلطان المحمدية
المطعم من دورين متنوع الجلسات بين كراسي وكنب وجلسات أرضية رائعة وجلسات بُف ♥️
المطعم بديكورات مصممة ومصنعة في اوزبكستان الى جدة يقدم أشهى الأطباق الأوزبكية على أيدي طهاة من اوزبكستان
يعني الأكل على أصوله تمام
المنيو محدود نوعاً ما بتقديم الأرز الأوزبكي إما باللحم او الدجاج والصمصة واللغمن والمنتو بجانب مقبلات وحلى
اول ما تجلسوا يقدموا لكم ضيافة شاي أخضر لذيذ خفيف طعمه مو قوي مع خبزهم الخاص فيهم وصوص
طلباتي :
رز بيلاف أوزبكي باللحم ٧٩ ريال
صمصة ٢٩ ريال
بيبسي ٧ ريال
صراحة الأكل لذيذ ماشاءالله بس حسيت الرز شوووي ناقصه بهارات وسألت طلع الرز الأوزبكي كذا يقدم مو مثل البخاري بهاراته قوية يعني اصوله كذا
والصمصة مررة طعمة
الموظفين قمة فاللطف والبشاشة والاحترام ربي يسعدهم وخدمتهم سريعة وراقية
موفقين يا فريق لازا الرائع ولنا زيارات ان شاءالله لنستمتع بأجواء المطعم الرائعة ❤️
عجبني وشاركتكم ❤️

 





















انتقل إلى أعلى
Share via
Copy link
Powered by Social Snap