‎ كوكوز جدة مطعم في كورنيش ابحر الشمالية 20 صورة للمنتجع

‎ كوكوز جدة مطعم في كورنيش ابحر الشمالية 20 صورة للمنتجع

اهم الامور التي يجب ان تعرفها : 

  • الحد الادني للطلب مئة ريال ف وسط الاسبوع و١٥٠ ريال في باقي الايام 
  • يبدء الدوام من خمسة ونصف عصرا وينتهي ١٢ مساء ماعادا الويكند يكون للساعة ٢ ليلا
  • يمنع لبس الملابس الرياضية للرجال 
  • يمنع ارتداء الشباشب والصنادل للرجال
  • يمنع الاطفال اقل من ١٢ سنة 
  • يجب الحجز المسبق
  • يوم الاحد اجازة 
  • يمنع احضار ماكولات من الخارج

 

 

كوكوز جدة المزيد من الصور 

 

 

منيو مطعم  كوكوز جدة ابحر 

 

‎الموقع📍: كوكوز أبحر الشمالية

‎مطعم كوكوز ابحر جدة حيل  جلسات خارجية مُطلة للبحر مع توفر مراوح لكل جلسة 
‎فيه منيوم تشارج شاملة الاكل والمشروبات والحلى بـ (١٠٠)﷼ للشخص بوسط الأسبوع.
‎و (١٥٠)﷼ للشخص بالويكيند .

 

‎ساعات العمل 🕰 :

‎الأثنين والثلاثاء والاربعاء من ٥ ونصف مساءً ، للساعة ١٢ منتصف الليل.
‎وفي الويكيند من ٥ ونصف مساءً ، للساعة ٢ صباحًا بعد منتصف الليل .

‎*يوم الأحد مغلق *
‎* نظام حجوزات *

 

‎المكان جميل وشرح ومطل للبحر 🌊 وفي وقت الغروب اجواء من الروعه والروحانيه كما في الفديو الثاني 🥺👌🏻
‎من تجاربي : تأخرت بالدخول مايقارب خمس لـ ٦ دقائق 🤦🏼‍♀️
‎كنت اتمنى اوقات عمل بصباح وفتح المطعم بوقت متقدم عن ٥ ونصف بما انو النهار صار قصير جداً وفي فئه من الناس بتحب النهار 😣

‎اسعار الاطباق مرتفعة 🤭 اتمنى النظر لها مُجدداً

فوتشيني الفريدو بصلصلة الكريمة البيضاء ٨٢ ، جميل طعمها 👌🏻
‎بيتزا مع جبن المورزاريلا ٦٦ ، عادية جداً ولا بأس بها
‎سلطة السيزار الدجاج المشوي ٥٨
‎ماء ٥
عصير شمام ٣٨

‎كنت حابه اصور لكم الاطباق ، بما انو دخل الليل ف صار التصوير سيء بسبب ضيق الوقت 🤦🏼‍♀️

‎قوانين المكان:
‎ممنوع دخول الاطفال اقل من سن١٢ في الويكنيد.
‎يمنع ارتداء الشباشب والصنادل للرجال.
‎يمنع ارتداء الملابس الرياضية.
‎يمنع احضار مأكولات ومشروبات من الخارج.

‎ونشوفكم على خير بإذن الله🌿🤍.

 

بشاركم تجربتي بفطور رمضان في مطعم كوكوز. في ثلالث انواع للوجبات ب95 الوجبة مناقيش ب145 مكرونات و 185 طبق فيه لحم او دجاج. والوجبات شامله عصير وشربة واختياركم من السمبوسه او الفلافل.
انصحكم بالمكرونات الفوتتشيني او البينك بيني.
الاجواء بصفه عامه جميلة ورايقة والمنطقة مفتوحه وهواها حلو. ماتقدر تطلب من خارج الوجبات الثلاث. اذا عندك اطفال يا انهم ياخذو من الوجبات او ما يطلبو شي ودخولهم مجانا
تحتاج حجز قبل الذهاب للمطعم






تغطيتي لـفطور رمضان في Cocos🌴

@cocos_sa
@cocos_sa

الموقع📍
ابحر الشماليه _ شارع الامير عبدالله الفيصل

المواعيد⏰
مواعيدهم برمضان من 6:00 م ل 6:30 ص

.

المكان والجلسات رايقه وجميله ع البحر مباشره🌴

يوفرو مراوح لو طلبتوهم🌴

الخدمه سريعه وممتازه🌴

..
الطلبات🍽
عندهم قائمه جاهزه لفطور رمضان
عباره عن ثلاث قوائم تختارو اللي تحبو😍

*قائمه الاولى ب٩٥ريال
مقبلات +شوربه +مناقيش
*القائمه الثانيه ب١٤٥ريال
مقبلات+ شوربه +اي نوع باستا
*القائمه الثالثه ب١٨٥ريال
مقبلات+شوربه + طبق ستروجنوف لحم او دجاج
“رح اضيف القائمه ع الهايلايت”

بالنسبه ليا جربت جميع المقبلات والاطباق الرئيسيه كلها لذيذهه🤤👌🏼

شوربة الكريمه ممتازه👌🏼

ستروجنوف لحم لذيذ والدجاج برضو👌🏼

قبلها ينزلكم تمر ومويا وقهوه عربي👍🏼

..

ضروري الحجز عن طريق الواتس الرابط بحسابهم
@cocos_sa

مكان جميل جدا ورايق وهادئ ، الحد الادنى للشخص ١٥٠ ايام الاسبوع و ٢٠٠ ريال فالويكند شامل الطلبات ، اسعار الطلبات من متوسط الى مرتفع ، جوده الاكل ممتازه ، طاقم الخدمة كبير ومتعاون جدا

تجربتي لمطعم وكافيه كوكس كانت من التجارب المميزة التي سأكررها كلما سمحت لي الظروف المادية نظراً لإطلالته المباشرة على شرم أبحر ولفخامة المكان وجماله والتنظيم الرائع في الحجز والدخول واستقبال الويترز السعوديين أبناء وبنات والبلد المحترمين والبشوشين.. طبعا يجب الحجز المسبق قبل الذهاب الى الكوفي عن طريق التواصل معهم بالواتساب على رقم الذي الموجود في جوجل ماب بنظام المينيمم شارج بمبلغ ١٥٠ للشخص الواحد وبالنسبة للاطفال مجانا دون رسوم قائمة الطعام منوعة والأكل لذيذ صراحة والخدمة جداً رائعة ومتميزة والمكان جداً جميل ومميز و رومانسي ولمن أراد الإستفسار أكثر عن تجربتي يشرفني التواصل على حسابي في الإنستقرام @sol7ek






المكان مرا يفتح النفس وهادي😍❤️❤️
طلباتي
سلطه مكسيكيه مع الدجاج :كانت احلى شي صراحه🙃
كرات القمبري المقلي: الله يديم النعمه💔
دجاج بكريمه الفطر: لا باس
طبعا اكلنا وخلصنا بعدين جابو لنا العصيرات 💔
كيكه التمر كانت حلوه
احلى شي المكان الاكل عادي ياليت يشتغلون على الاكل اكثر
وحتى الكابتشينو كان عادي جدا

المكان رايق وانصح فيه وقت الشتاء والشخص كان ب١٥٠ “عرض” اما باقي الايام ٢٠٠ ريال

اما الخدمه مافي احد يستقبلنا قبل ندخل ويودينا الطاولة وهذا الشيء خلانا ناخد اي طاوله فاضيه
وما حبيت الفكره مفروض الطاولات تتقسم حسب عدد الاشخاص + الفيو المطلوب
الويترز مايراقبوا الطاولات لازم انادي وانتظر كثير او اقوم بنفسي يحتاج ويترز كثير او جهاز تنبيه لكل طاوله
المنيو والطلبات
اعتياديه مافي شيء مبتكر نفس اي لا ونج
مارغريتا بيتزا ” ممتازه”
داينمت شرمب “عادي”
سلطة شمندر بالقرع مع جرجير وعين جمل “عادي”
بريسكت فرايز “لذيذه”
تاكو دجاج “ماكانت تاكو كانت تورتيلا دجاج”
المشروبات بيناكولادا لذيذه
وموهيتو رايز بيري منعش
المرفقات الصحيه نظيفه لكن نوعا ما متهالكه
الفاتوره ٤٧٠ ريال

رحتو اليوم ،، المكان جدا جميل ورائع وانصدمت انه في اماكن كده رهيبه بجده وجنب بيتي جلست ساعتين فيه رحت بعدالفطور برمضان طلبت قهوه تركي وبراونيز كيك طبعا مرررره مافي كلام علي الطلب مره كان لذيذ والخدمه مرتبه وسريعه المكان هادي وصوت البحر والمويه بيعطي احساس للاسترخاء

التجربه من اروع مايكون..الاجواء والمكان والهدوء كان شي يفتح النفس… طلبنا حلى وقهوه تركية ماكانت مضبوطه وبدلوها على طول..العشاء( الفريدو باستا و طبق صدر دجاج ) ممتاز والديناميت شرمب عادي

من احب الأماكن لي و فعلاً آرقى شي بجدة بهالفترة مع الاجواء الحلوة ، الدخول الشخص ايام الاسبوع 150 ريال ، والويكيند 200 ريال ، طبعاً هالسعر بالطلبات والمكان يستحق و يستاهل التجربة وبكرر الزيارة ثاني و ثالث لايفوتكم وبالنسبة للطلبات وفقت بإختياراتي كل طبق طلبته كان شهي ولا ندمت على طلبي له ، طلباتي بيتزا وطلبتهم يعملولي نكهتين نصها ترافل ونصها بيتزا كوكوز ، طلبت برجر دجاج كرسبي ، طلبت تاكو الدجاج واتقدم معه بالصوصات اللذيذة ، ايضاً طلبت بطاطس مقلي و 2 بيبسي و 2 ماء ، الجلسة امام الكورنيش شي ماينوصف ، الخدمة ماشاء الله مبدعين و سريعين ومني بكل شفافية و أمانة استحقوا الـ 5 🌟 روحوا جربوهم و بتدعولي .. 🌸👏🏼.. تاكو الربيان انا ماحبيته… من كثر ماكنا مرتاحين ع الهدوء و الروقان بعد العشاء كمان طلبنا كابتشينو وكان مضبوووط👌🏻بس ياليت لو يكون فيه شمعه ع الطالاوت وقت تقديم الاكل شغلو لنا شمعه لأنه كان ظلام شوي

المكان جميل جدًا بصراحه بس بودي لو يمنعون الاطفال من الدخول او يهيأ لهم مكان للألعاب
الأكل طلبنا كان بيني أربيتا باستا ١٠/٦
بطاطس الكمأه ١٠/٩
سلطة القرع ١٠/٩
بريسكت برقر ١٠/١٠
عصير بطيخ ١٠/٩
عصير ليمون نعناع ١٠/٩

تكرر الزياره
نعم بكل تأكيد 🌷🌷

تجربه جميله دخلت على حجزي والطاولات نظيفه ومرتبه واطلالته مباشره ع البحر اضافت جمال للمكان
طلبت بيتزا مارغريتا وباستا الفريدو كانت لذيذة جدا
وكيكة تمر ولا تيه اعطيها ٨ /١٠
بصفة عامة الاجواء فيه تفووز كان حجزي من خمسة العصر لين سبع ونص ،،

المكان جميل ورااايق ومرتب وتنظيمهم حلو
يتطلب حجز مسبق والافضل تجي قبل الوقت بشوي اذا تبغى طاولتك تكون ع البحر مباشره
طلبت قهوه تركيه كويسه
وحلا تمر لذييييذ طعم التمر وااااضح اعجبني كثير
وحلا لوتس لذيذ بعد
وطلبت فرايز بالكمأه مره لذيذ صراحه
ومكس بيري موهيتو لذييذ لكن ب ٤٥ ريال 🙄

الشخص ب ١٥٠ ريال ومدة الجلسه ساعتين ونص 💗

مطعم وكوفي مطل على البحر انصح بتجربته

‏⁃ جودة المكان: المكان جدا جميل وكيير ونظيف سواء في النهار او الليل المنظر مميز وتجربته من امتع التجارب للي في جده او من خارج جده اشوفه افضل من مطاعم وكافيهات حياه بارك وغيرها والخصوصيه فيه اعلى والجلسات متوفر داخلي وخارجي لكن الخارجية جدا افضل

‏⁃ جودة المنتجات : الاكلات والحلى كانت لذيذة ومتنوعة






-جوده وسرعة الخدمة والعاملين: الموظفات جدا خلوقات ومحترمات وسريعات بالتوفيق لهم 💛

‏⁃ تناسب الأسعار مع الخدمة : اسعارهم لو لكل طلب بحاله تعتبر جدا ممتازه خاصه ان الاكل لذيذ والمكان والمنظر حلو والخدمات كويسه لكن مشكلتهم انه لازم في حد معين للطلبات مايكون اقل منه فمثلا ايام الويكند الطلبات مو اقل من ٢٠٠ للشخص وباقي الاسبوع الطلبات مو اقل من ١٥٠

‏⁃ أي شيء آخر مثل اكتمال المعلومات في قوقل: ياليت في تجاوب في قوقل ماب وتوفير صور للمكان والخدمات الموجودة

الحجز عن طريق الانستقرام
وتنتقل للواتساب لاعتماد الحجز
( كان حجزي ع البحر مباشر بس اعتذروا انه ماتم تبليغهم فجمال المكان جعلني اتغاضى عن هالشي )

حلو مره نصيحتي احجزو ع الساعه 6ونص عشان تلحقون على غروب الشمس واجواء النهار والليل مره وحده الاطلاله تشوفون الديابات البحريه و القوارب

ع فكره الشخص 150 ريال بالطلبات
يعني 3 اشخاص لازم توصل فاتورتكم 450 ومافوق
يمدي باكلكم وقهوتكم توضلون لهالسعر

الطلبات كان برقر لذيذ
وبيني باستا بينك
وديناميت شريمب
والماهيتو طبعا بهالصيف هو اللي مكتسح الطاولات

مكان جميل وتجربه رائعه
المكان يستحق الزياره
القهوه اعجبتني جدا
الحلا اللوتس خيار ممتاز
كيكه التمر لاحد طلبها 🤣
ف الاخير اذواق
شكر للعاملين على سرعه التجواب
*اتمنى مراجعة شروطهم *

ان شاءلله يكبر ويكون احلا واحلا
لا تعلمون احد عن المكان 🚶🏻‍♂️

المكان جميل ومرتب ونظيف والجلسات تطل مباشرة على البحر
في حد ادنى للطلبات بقيمة الجلسة وتختلف القيمة اذا وسط الاسبوع او ويكند. نسيت كم السعر تحديدا بس اتوقع ١٥٠ للشخص وسط الاسبوع و٢٠٠ في الويكند.
الاكل مجملا لزيز والمنيو متنوع. عيب الجلسة انو ماتقدر تشوف الغروب لانو المكان مطل على الواجهة الشرقية من البحر. للأسف الخدمة سيئة وماعجبني انو مايحترمو اوقات الصلاة ومافي مكان اصلا تصلي فيه، غير ان العاملين لمن تقلهم فين اصلي يطالعو فيك باحتقار ويقولولك تقدر تصلي برا هنا مافي مكان!

كانت زيارتنا من الساعه ٦:٣٠ مساءً لمدة ساعتين ، المكان والموقع رائع من اجمل الاماكن اللي في جده فخامة اناقة تعليمات الدخول راااائعه. اتمنى مقاهي جده تطبق هذا الشي . والاهم الشاب نواف. جداً محترم وادب وذوووق ويتعامل بكل احترافيه. ابتسامته لطيفة . الله يوفقه. ويبارك لكم . سلطة الروكا ( جرجير ) ١٠/١٠ -البرغر ١٠/١٠ —البيتزا ١٠/٧ —كرات الجمبري ١٠/٨ —العصيرات ١٠/١٠. اناناس وشمام.

المطعم اطلالته واجواءة تجنننننننننن !! شوفوا الصور ، حقيقي يعطيك شعور كأنك مسافر برا ..

حتى الموظفين ملابسهم رايقه وحلوة
الدخول ع المكان من بوابة بنية كبيرة ، والممر شوي طويل لكن فيه قولف للي مايبي يمشي .

الستيك لذيذ
عصير الاناناس يسرسح
بيتزا بالكمأه لذيذه جداً
قهوة تركي سادة وبالحليب كلهم لذيذات 👍🏼👍🏼👍🏼👍🏼👍🏼






مطعم كوكوز موجود داخل كباين شمس
المطعم يفتح الساعة ٥ م لازم حجز عن طريق الواتساب
الدخول غير واضح مافي لوحات عند المدخل الرئيسي لكن تحصل زحمة سيارات..
الدخول الساعة ٥ عشوائي كل واحد يختار الطاولة اللي يبغاها وعددها كويس..
الحد الادنى للطلبات للشخص ١٥٠ ريال
والطفل ٥٠ ريال
المنيو منوع طلباتنا كانت:
برجر برسكت ٥/١٠
فيوتشيني الفريدو ٦/١٠
بيتزا بيبروني ٧/١٠
حلا اللوتس ٩/١٠
الجلسات جميلة على شرم ابحر والمكان مرتب لكن الاسعار مرتفعة..افضل وقت للدخول الساعة ٥ م والجلوس المسموح فيه ساعتين ونص