مطعم كنافة مايسترو في جدة البترجي والفيحاء

مطعم كنافة مايسترو في جدة البترجي والفيحاء

 

تجربة لمحل كنافة متميز بالتنوع اللي عنده
@kunafa_maestrol
عندهم فرعين في البترجي والفيحاء
طلبنا ثلاث انواع من الحجم الصغير للتجربة
بشكل عام، الكنافة مستوية كويس، مقرمشة من برا وطرية من جوا، بس الحجم شوية صغير والبعض ممكن يشوف هذي ميزة
قشطة بالكندر، القشطة خفيفة وسايحة، الطعم متناسق والحلى معتدل، عجبتنا
نوتيلا، هذي ملغّمة ومليانة من جوا، وحلاها يعتبر زايد شوية ولازم تكون تعشق النوتيلا عشان تطلبها
والاختراع الجديد اللي عندهم، كنافة بالبراوني وعليها جالكسي وبستاشيو من فوق، الخلطة غريبة لكن الطعم متناسق، قوام البراوني سايح مو كيك ناشف، طعمها مختلف وتستحق التجربة
الواحد ياكل حبة صغيرة

سعر الحبة حول ١٧ ريال تزيد او تنقص حسب النكهة والاضافات اللي عليها
كل طلب في علبة مخصصة مع شوكة، والعلب في اكياس مغلقة من المحل للحماية
طلبنا عن طريق تطبيق ذا شفز، عندهم توصيل مجاني، الاكل وصل دافئ وخلال ساعة تقريبا، بس الكنافة تتجهز بالطلب عشان كده تاخد وقت
“حاليا البراوني مو متوفرة في التطبيق لازم المندوب يشتريها وتحاسبوه”
وموجودين كمان في مرسول
** اذا مشتهيين كنافة معمولة صح والخلطات متجانسة، المحل دا ممتاز، الحجم الصغير مناسب للشخص الواحد، عندهم تنوع كبير، ولنا تجارب تانية في انواع مختلفة، الطلب من ذا شفز ممتاز
تحبو الكنافة اللي بالحشوات والاضافات ولا ماشيين عالنظام القديم ؟

 

الموضوع منقول









انتقل إلى أعلى