مطعم كرم بيروت في الخبر – قريه الدغيثر المطعم واضح من

مطعم كرم بيروت في الخبر – قريه الدغيثر المطعم واضح من

 

مطعم كرم بيروت
في الخبر – قريه الدغيثر
المطعم واضح من اسمه ( شرقي لبناني ) وله اكثر من فرع في انحاء المملكه بتكلم اول شي عن طلباتنا طلبنا ك مقبلات بطاطا حره مضبوطه ولذيذه للي يحبونها وحمص وزنيته لا يعلى عليها و فتوش في المخيييخ كميه المقبلات للامانه حلوه يعني تخيلو احنا بس من المقبلات شبعنا وبالنسبه للطبق الرئيسي طلبت (كباب كرم ) يجي من مكوناته الفستق والجبن الكباب لذيذ والفستق فيه واضح لكن عليه ملاحظات كثيره مثلا ان الجبن مو واضح فيه ولا كنه موجود ثانيا حجم ومستوى ومحتويات الطبق وتقديمه مايليق ابدا بمستوى المطعم رغم ان سعر هالطبق قريب من ال ٩٠ ريال لكن الواقع ماحسيت يستاهل هالسعر لان كميته قليله ولان مايجي معاه حتى فرايز ولا برغل ولا رز مثل ماهو متعارف بس حاطين شريحه بطاطس وربع قطعه طماط ونص ليمون !! يعني لو ماحطيت الصوره يمكن عبالكم ابالغ بس شوفه عينكم للامانه اغلب اللي اعرفهم و جاو للمطعم كان انتقادهم الوحيد على الاطباق الرئيسيه من ناحيه السعر والكميه والتقديم ‍♀️
ونصيحتي ابتعدو عن اي طبق فيه بذنجان ماحبيت ابدااا الله يعز النعم ‍♀️اما فته الشيش برك عجبتني للي يحبونها يعتمدونها اسعار المطعم مرتفعه لكن ك مكان اشوفه خيار ممتاز ومثالي للعوائل والشباب والجمعات لان عندهم اطباق المشاركه و المقبلات كثيره وممكن اكثر حتى من الاطباق الرئيسيه عندهم قسم منفصل عالبحر ومكيفه للمدخنين وفيه شيشه للي يبي
هل راح ازوره مره ثانيه ؟ بالتأكيد يكفي جمال وشراحه المكان واحسه من المطاعم القليله اللي اي طاوله بتجلس فيها بتكون مرتاح لان كل زاويه فيه حلوه وتحسه راااااقي وفخم جد جد ونظيف والتعامل من اجمل وارقى مايكون والحق ينقال صراحه يبيض الوجه لو تبون تعزمون احد
و المكان عالطبيعه اجمل حتى من التصوير وكان ودي اصور اكثر بس عشان خصوصيه الزباين ماقدرت اصور اكثر راح ارفع المنيو والاسعار بالهايلايت للفائده
مطعم مطاعم الخبر مطاعم الدمام الشرقيه الدمام الخبر البحرين شامي لبناني بيروت حمص فتوش كباب غدا فطور عشا لذيذ

 

الموضوع منقول





انتقل إلى أعلى