مطعم قرام جدة ردسي مول

مطعم قرام جدة ردسي مول

تقييم اليوم لمطعم انشهر بتدليع الشاورما في خبز التوست والاضافات المميزة مطعم قرام.
@gram.saudia
.
الصندوق فيه ٥ انواع من الساندوتشات اوريجينال دجاج وميسي دجاج اوريجينال لحم وسويس لحم وسبيشل فلافل ويكفي ٣ اشخاص بالراحة.
.
خلطة الفلافل لذيذة وملغوصة بضمير و عبال الطريق سار الساندوتش زي الاسفنجة وعشان كده انصح بالساندوتش دا يتاكل في وقته.
.
الصوصات كريمية ولذيذة بالرغم ان الثوم مهو قوي (ممكن تكون ميزة للناس اللي ما تحب الثوم القوي).
.
نقص درجة تقييم التجربة بسبب الموقع، الردسي مول جميل وموقعه مميز لكن عبال ما توصله  وتلاقي موقف متعبة جدًا ولو مالقيت عرض التوصيل ب ٦ ريال من تطبيق جاهز ما كنت حا اغامر بالتجربة.
.
التجربة جميلة جدًا وان كانت اسعارهم شوية مرتفعة لكن انصح بيها وبقوة واكيد اعيدها سواء توصيل او كنت مار على المول بصراحة ما اتوقعت ان الشاورما عندهم حتكون لذيذة بس المحل يحتاج فروع اخرى وتكون خارج المولات.
.
شاركونا تجربتكم لنفس المطعم واعطونا اقتراحات تقييم مطعم مختص في الشاورما او الساندويتشات .
🍞🍗🍖🧆
Image.jpegImage.jpegImage.jpegImage.jpegImage.jpegImage.jpegImage.jpegImage.jpeg

انتقل إلى أعلى