مطعم فول اهل اول جدة
تقييم اليوم لعشا شعبي البعض منا يدوره كفطور وكل الاختيارين مناسبة من مطعم فول اهل اول بعد عمليات التجديد والتصليح بفرع طريق الملك فهد.
.
اول ما دخلت المطعم لقيت على يميني بارتشن عازل عن الطاولات وماني متاكد اذا هو قسم عوائل او لا لكن اللي اعرفه من قبل الاصلاحات مافي الا افراد.
.
لو ما كنت شايف الموظف بياخذ القلابة من القدر كان قلت غلطوا في الطلب واعطوني فول بدال القلابة عشان كده قلت انها مهي مميزة ومحا تفرق بينها وبين الفول.
.
الشكشوكة كان ممكن تكون احسن من كده لاني اللي شفته عبارة عن بيض وبصل وشوية طماطم فما حسيت انها شكشوكة.
.
بالاضافة الى طعم الموز المخضر اللي ما استوى نوع القشطة وطعمها طيح تقييمها.
.
التجربة واضحة انها ما كانت موفقة وان كانت الكبدة هي الفائزة في التقييم لكن وجود اختيارات اخرى وكثيرة يخليك ما تعيد التجربة 🙂.
.
شاركونا تجربتكم لنفس المطعم واعطونا اقتراح تقييم مطعم شعبي (فول ومعصوب..الخ) يكون شعبي في الطعم والاسعار.
وتذكروا : (لولا اختلاف الأذواق لبارت السلع)🌹.
🥖🧄🧀🧆🍛