مطعم توميلليو جدة لصاحبته الشيف سما جاد

 
مطعم توميلليو جدة لصاحبته الشيف سما جاد
 
الحاصلة على لقب المركز الاول في “توب شيف”  2020 في موسمه الرابع لتصبح أول شيف من السعودية يحرز اللقب، وأول سيدة تحصل عليه في البرنامج 🥇

 
 

ننقل لكم تجربة من الانستقرام تجدها عند البحث عن من قام بعمل تاقنق للمطعم

من نوعها، ويمكن مافي طبق تلاقيه بنفس الطريقة في أي مكان ثاني
tomillobysama
sama jaad
جدة، طريق الملك، لو برستيج مول
المطعم جلسته رائعة، استقباله وخدمته ممتازة، تصميمه وطريقة تقديم أطباقه متعة بصرية، والطعم يخليك تستمتع بكل لقمة
المطعم يوجب ويشرف، ومناسب جداً للمناسبات الخاصة، صح احتفالهم بارد شويتين، يمكن عشان لسه في البداية، لكن عيد زواج مثلا حيكون المكان الأمثل
يعيب المطعم صغر أطباقه وارتفاع أسعاره، يعني ممكن تدفع ٣٠٠ للشخص وتخرج جيعان!! طريق الأطباق إنها فاين دايننج، بس المطعم تصميمه في اعلى المنطقة التي تسمى
Upper premium casual dining
التقييم العام للمطعم
الأكل جودة وطعم وتقديم
⭐️⭐️⭐️⭐️⭐️
الخدمة
⭐️⭐️⭐️⭐️⭐️
السعر مقابل القيمة والكمية
⭐️⭐️⭐️
النظافة والتعقيم والإجراءات الاحترازية
⭐️⭐️⭐️⭐️⭐️
الجو العام للمكان والتصميم
⭐️⭐️⭐️⭐️⭐️
رأيي في طلباتنا
غزلشيني | ٩٦ ريال
طبق رائع، ومزج عجيب بين المغازلية الحجازية والأرانشيني الإيطالي يستحق التجربة
وينر وينجز | ٩٢ ريال
أجنحة دجاج بصوص باربيكيو تومييو
أكثر طبق مقبلات يناسب الأكيلة، الأجنحة مليانة لحم والصوص خرافي، طعمه ما يتوصف، مرة ممتاز
توستادا فيوجن | ٦١ ريال
سمك سي باس في عجينة بف، صلصة ڤيردي مع صوص حمر وطحينة
النكهات متمازجة مع بعضها بشكل عجيب، الكمية بسيطة
راڤيولي كريمة الكستناء | ١٢٣ ريال
هذا الطبق إبداعي أيضا، راڤيولي محشية جبنة وبصل مكرمل، بصوص كريمة الكستناء، مزيج النكهات عجيب وكمية الصوص مناسبة جدا
مو تيراميسو | ١٠٦ ريال
هذا الطبق الوحيد إلي أختلفنا عليه، التقديم والطريقة جميلة، لكن يبغاله شوية حلا أكثر
وايت واين | ٥٤ ريال
كولا | ١٨ ريال
ايش رأيكم في الكلام الي قلناه؟ هل تتفقوا او تختلفوا معانا؟

عن التجربة والتقييم

رحنا نجرب افطار رمضان عندهم .. بصراحة الأكل جدا لذيذ و بالطريقة الحجازية الاصيله.. ذكرني بطبخ الوالدة ..
الجو العام ١٠/١٠
الاكل ١٠ / ١٠
السعر ٨/١٠ يعني تقريبا مائل للغالي بس كل شي يستاهل
طريقة الحجز سهله ( عن طريق الرابط في انستقرام)
الاستقبال ممتاز
الخدمة ١٠/١٠
الشيف سما ١٠٠٠٠٠٠/١٠ جدا انسانه ذوق و حبيبة و تدخل القلب
اترككم مع الصور ( كل اصناف المنيو الموحد )
للمعلومية كنا شخصين فقط

المكان ماشالله جميل رايق هادي سريعين في التعامل طبق الترحيب لديهم كروبو 😎بالنسبه ل الطلبات ف المنيو لديهم جدا محدود مافي اختيارات كثيره … الاكل يعتبر جيد لذيذ طلباتنا كانت كور مغازليه عجبتني … اجنحه بدبس التمر جيده …. جمبري ب زيت الزيتون ماعجبني الطبق كان جمبري بيسبح ب زيت الزيتون 😬…. الطبق الرئيسي صدر دجاج مشوي جيد … الحلا التيراميسوا يختلف عن باقي الاماكن بطريقة تقديم مختلفه بدل استخدام بسكوت فينجر ليدي مستخدمين نقدر نقول عجينه سمبوسه سويتز كفكره جديده حلوه بس للاسف سعره جدااااا مبالغ(١٠٦)﷼ …. لاتيه جيد يقدم مع مادلين كيك بنكهة الهيل ….. التجربه جميله و المكان هادي بس يعيبه ارتفاع الاسعار جدا 💰💸 والاطباق ليست للمشاركه طبق فردي تماما

من ارقى المطاعم الي زرتها بجده إن لم يكن الارقى .
الاستقبال والاهتمام من جهة العاملين كان محترف . ديكور المطعم والجو العام كان جميل ومريح للنفس.

تم طلب سلطة البوراتا بالخوخ.. كانت رائعة.. تنبسط وانت تاكلها .. تتبيلة جنبة البراتا مع الخوخ وحبات الجوز المكرمله . من جد طبق يدل على ان اللي ماسك المطعم شف حقيقي..

غزلشيني؛ كرات مبتكرة والتقديم جميل يفتح النفس .

نجي للطبق اللي يفوز اهني الشف سما عليه صراحة، ذا شامب ؛ اش اقول واش اخلي . طبق فوق النقد . شريحة واقيو ميديم ول مع صوص القهوة .. ما كنت ابغى طعمه يروح من فمي من لذاذته ..

للحلى طلبنا كريم بروليه ممتازه .

قيمة الفاتوره كانت ممتازه مقابل الخدمة وجودة الاكل و الجو العام للمطعم.

نشكر القائمين على المطعم واتمنى لهم التوفيق.

الديكور جميل 10/10
الستف خدوم جداً 10/10
الاكل ٩/١٠
استمتع بكل طبق اكلته
جربت ستيك ذا شامب
طعم اللحمه والقهوه واضافة الكستناء شي خرافي لذيذ جداً تركيب النكهااااات ولاغلطه 😭
جربت سلطة بقشة
بالرغم اني مااحب جبنة الماعز بس اضافة التوت والباذنجان والكوسه ووزن النكهات خلاها لذيذذذة 👌🏼👌🏼
ولومي سيفتشي
اول لقمه ماتقبلت الطعم من قوة النكهات لكن رجعت اكلت ثاني واستمعت النكهات قويه غريبه بس لذيذه ✨✨
الريد واين 👌🏼
كريم بروليه بالهيل ✨✨✨✨✨✨
كورتادو 👌🏼👌🏼
بس عندي ملاحظة .. ريحة المكان العطرية جداا قوية ماعرف هل فكل المطعم بنفس القوة الي انا حاستها او لاني قريبه من الجهاز ..
اخيراً
شكرا شيف سما ✨ 👩🏻‍🍳

من مطاعم جدة الجديدة … تجربتي كانت جميلة إبتداءً من الاستقبال الى اجواء المطعم المريحة و الي تشعرك بالخصوصية بالرغم من امتلاء المطعم بالكامل الى الموسيقى الهادئة المختارة بعناية .. والخدمة الممتازة .

بالنسبة للطعام … قدمت الاصناف بطريقة مميزة روعي فيها جودة المكونات وطرق طبخها و فكرة تقديم الاطباق و مزج النكهات بطريقة احترافية .

الاكل كله كان لذيذ و رائع بالمجمل ولكن في اطباق تميزت عندي المحمرة و راڤيولي الكستناء و سمك القاروص مع المسمنة و توستادا القاروص … تسلم يدك شيف سما .

لا تنسوا تطلبوا الشامبين ( مو حابه اقول بس هما مسمينها كذا ) مرره لذيذة .

الاسعار تعتبر مرتفعة اسعار مطاعم ال fine dining .

تجربة مميزة و جميلة … يستحق الزياراااات

للاسف كنت حابة اضيف صور اكثر بس ما اعرف فين اختفت .

مطعم توميلليو جدة لصاحبته الشيف سما جاد 1
مطعم توميلليو جدة لصاحبته الشيف سما جاد 3
مطعم توميلليو جدة لصاحبته الشيف سما جاد 5
مطعم توميلليو جدة لصاحبته الشيف سما جاد 7
مطعم توميلليو جدة لصاحبته الشيف سما جاد 9
مطعم توميلليو جدة لصاحبته الشيف سما جاد 11
مطعم توميلليو جدة لصاحبته الشيف سما جاد 13
انتقل إلى أعلى