مطعم جديد فتح في جدة امس و انا من أشد المعجبين

مطعم جديد فتح في جدة امس و انا من أشد المعجبين 1

مطعم جديد فتح في جدة امس و انا من أشد المعجبين

 

مطعم جديد فتح في جدة امس و انا من أشد المعجبين فيه
مطعم وقاماما
مطعم اسيوي عالمي اول فرع له في لندن و ايضا له فروع في مدن اخرى من ضمنها دبي، المطعم كان فاضي (شكلو محد داري انه فتح)
في الغالب المطاعم الجديده الي تفتح في البداية يكون عندهم لخبطه و بعد شهر يتحسن وضعه او العكس البدايه قويه لكن اهم شي يستمر في مستواه
الجلسات عباره عن طاولات منفصله (بعكس جلسات المطعم في لندن الي هيه عباره عن  طاولات متصله تلاقي الناس تجلس مع بعض و بسبب اختلاف العادات الاجتماعيه غيرو في جدة طريقه وضع الطاولات ) الديكور حلو و جميل
تقييم الاكل
للاسف مو كل الاطباق في المنيو موجوده لكن مدير المطعم اخبرنا انه ان شا الله الاسبوع القادم كله راح يكون متوفر
المهم طلبنا التالي
1 إيبي كاتسو (مقبلات)
عباره عن 6 حبات من جمبري المقليه، قلي نظيف اعصر فيه الليمون و يجي معاه صوص رائع تغمس فيه و عيش حياتك بعدها
اعطيه 5 من 5
السعر 39 ريال
2 باد تاي (طبق رئيسي)
اكله نوديلز تايلنديه مشهوره ، الطبق ده كان ممتاز مكوناته جيده (نوديلز بصل حلبه و غيرها) و مشبع لشخص فيه جميع مكونات الباد تاي مع جمبري و الدجاج
اعطيه 45 من 5
السعر 65 ريال
3 موز مقلي (حلى)
قطعتين موز مقليه مع الايس كريم و الكارميل لذيذه
اعطيه 5 من 5
السعر 26 ريال
سعر الفاتورة 145 ريال
الموقع تقاطع شارع حائل مع ممشى التحلية
المطعم ازوره المره القادمه و انصح بزيارته بعد اسبوع
يوجد طبق شهير يشتهر به وقاماما لكن راح يكون متوفر الاسبوع القادم اسمو شيكن كاري كاتسو عباره عن رز ابيض مع دجاج مقلي و صوص كاري اذا كان الصوص مسوينه بنفس جوده فرع لندن راح يكون طبق ممتاز
و سلامتكم
تقييم جدة فودي
حسابهم
wagamamaksa

 

مطعم جديد فتح في جدة امس و انا من أشد المعجبين 1


انتقل إلى أعلى