مطعم اوفو في بنيد القار





مطعم اوفو في بنيد القار 
من المطاعم اللي وايد أحبها وقريبة لقلبي وما أمل من أكلهم، مطعم أوفو في بنيد القار…
أكلاتهم لذيذة ومبتكرة ومتجددة وخفيفة عالمعدة بنفس الوقت….
وأجواء مريحة كأنكم مو بالكويت….
السلطات والحلويات جاهزة معروضة بالفترينة المبردة، تقدرون تختارون اللي تبونه…. بالإضافة لأكلاتهم الثانية الموجودة بالمنيو….
هالمرة جربنا:
  • سلطة المجدرة
  • سلكة الكستناء
  • سلطة البراسل
  • سلطة القلاس نودلز
  • سلطة الجزر
الصراحة حبيناهم كلهم…
شوربة الكستناء وشاورما المشروم عجبوا زوجي وايد، بالنسبة لي أفضل الشوارما تكون لحممم….😅
بالنسبة للحلو، التشوكليت كيك لذيذة وغنية 😋… ولأني ضعيفة تجاه أنواع المحلبية، ما قدرت إني ما أطلب مهلبية الرز، كانت عجيبة مع الإضافات اللي كانت معاها….
ورجعنا طلبنه المنجه بالساجو مرة ثانية…. شي عظيم مافيه سكر مضاف، ومحلى بالعسل….
وجربنا عندهم شاي التفاح المحضر طازج عندهم، وااايد حبيته مع إني مو وايد مع التفاح….
Image.jpegImage.jpegImage.jpegImage.jpegImage.jpegImage.jpegImage.jpegImage.jpegImage.jpeg





اترك تعليقاً

لن يتم نشر عنوان بريدك الإلكتروني.

انتقل إلى أعلى