مطعم اوصال ساندوتشات واطباق مشاوي جدة في شارع الاربعين

مطعم اوصال ساندوتشات واطباق مشاوي جدة في شارع الاربعين 1

تجربة ل محل مشاوي يقدم ساندوتشات واطباق موقعه في شارع الاربعين

طلباتنا كانت كلها ساندوتشات، كباب لحم ودجاج، اوصال، شيش طاووق، جمبري، بالاضافة ل بطاطس وعصير رمان

اول شي ابدأ واقول الرمان مرة لذيذ وحجمه كبير، ممكن ٢ يتشاركوه
ندخل ع الاكل
المختلف في المطعم عن اغلب محلات المشاوي، ان الساندوتشات في عيش صاج مو شامي، ودا شي كويس للناس اللي ما تحب الشامي
اللحم والدجاج عندهم نظيف
المشكلة ان نفس الصوص يستخدم تقريبا في كل الساندوتشات وبالتالي الطعم تحسه متشابه في الاكل
اللحوم مع طماطم وجزر، الجمبري مع ملفوف، والدجاج بدون
الاوصال مبهّرة كويس، لكن ناشفة
الشيش طاووق كمان يعتبر كويس لكن برضو شوية ناشف
الكباب اللحم والدجاج في رايي ناقصهم نكهة وتتبيلة، تقريبا الساندوتش كان طعمه خضار وصوص، وما تفرّق لحم من دجاج
الجمبري ماشي حاله والبطاطس عادية

سعر الساندوتش تقريبا ١٢ ريال والواحد ياكل ساندوتشين

كل ساندوتش محطوط في علبة مخصصة مقفلة

، وبعدين في كيس بلاستيك

، لكن اقترح يقفلو الكيس لما يكون توصيل عشان الحماية،

سواء دباسة او لصق

الطلب كان عن طريق كريم، ١٣ ريال،

انا استخدمت كوبون،

وصل تقريبا في ٤٠ دقيقة وحرارته جيدة، بس المطعم يعتبر قريب من بيتي الى حد ما

** الاكل ماشي حاله، بعض الاشياء ناشفة شوية، والاسعار ممتازة، لكن يحتاج بهارات زيادة وصوصات مختلفة، اكيد الاكل في المحل حيكون افضل واحتمال الاطباق احسن من ااساندوتشات، بس انا ما اتوقع اجيب منهم ثاني في البيت قريب، عموما التوصيل من كريم او مرسول او هنجرستيشن

انتقل إلى أعلى