مطعم انفرنو القاهرة

مطعم انفرنو القاهرة

يا مساء ال spicy 
اصحاب مليش فالشطه 😷 يمتنعووون و بشدة 
تجربه النهاردة جميله و مميزة و فريدة من نوعها
لكل عشاق الاكل اللسبايسى اللذيذ انفرنو عاملكم دة وبيقدمه بصورة ممتازة جدا وعندة كمان مستويات وانت و شطارتك شوف عاوز تروح لحد فين 
قبل ما اتكلم عن الاكل حابه اتكلم على قد ايه الناس هناك محترمين جداااا و زوق و وشهم بشوش كدة وهما بيكلموك وحتى كنت بلاحظه مع اى حد يدخل المكان بيستقبلوة بطريقه لطيفه جدا و بيقعدو يسالوهم و يشرحلهم الاكل و بيساعدوهم ودى حاجه عجبتنى اوى
ندخل فى المهم .. طبعا قلت ادخل فالهادى و طلبت level 1 هما عندهم 3 levels و  الاكل الصراحه كان عظيم جداا
الفراخ القطع كانت عالميه كرسبى لاعلى درجه من برة مفيش حلاوة بعد كدة و من جوة جوسى جداااا ودايبه كدة ومتبله وفيها طعم حلو مكنتش حراقه جدا من جوة كانت عاديه والفكرة ان محلات كتير بتعتمد على تتبيل الطبقه الخارجيه فقط لكن INFERNO جوة و برة الطعم حوااااااااار 
ندخل على اللى بعدة الساندوتش كان لذيذ العيش مسكر شويه ومختلف عن اى عيش هما منفردين بالموضوع دة وهو عبارة عن قطعه فراخ وكولوسلو و شريحه جبنه كان لذيذ بس انا بفضل قطع الدجاج اكثر من انى اطلب ساندوتش انا حابه ادوق طعم الفراخ مش عاوزة حجات عليها بس هو كان حلو اوى ندخل على level الوحش 😍
البطاطس 🔥🔥😍😍
 هما اللى عملينها مش بطاطس جاهزة فروزن فكانت عالميه اول واحد كان chicken loaded fries 🧯🧯🧯
كان عالمى بمعنى الكلمه مكنتش عارفه ابطل اكل منه وهو عبارة عن البطاطس و عليها قطع دجاج وهميه مقرمشه و صوص جبنه و شرايح هالبينو هو بيخليك فى موووود عظيم جداا من جماله مش هتقدر توقف اكل بجد و النوع التانى كان
Chillie cheese
ودة عبارة عن شيتوس و بطاطس و شرايح هالبينو و لحم مفروم و صوص عظيم بجد خاص بيهم كان رطب كدة و ظابط الطعم 
والذرة كانت حلوة اوى بردو كبيرة جدااااا و حلوة اوى و عليها شيتوس وذبدة كانت لطيفه و اخر حاجه ovil ovals وهى عبارة عن بطاطس للنقنه كدة لذيذة ومش حراقه 
الخلاصه تجربه لذيذة و تستحق التجربه بشدة
Image.jpegImage.jpegImage.jpegImage.jpegImage.jpegImage.jpegImage.jpegImage.jpegImage.jpeg

انتقل إلى أعلى