مطعم اليوم هو من مطاعم الخبر الجديده ( مدام بانكويت )

مطعم اليوم هو من مطاعم الخبر الجديده ( مدام بانكويت )

 

مطعم اليوم هو من مطاعم الخبر الجديده ( مدام بانكويت ) وهو مصنف انه فاين دايننق
صراحه مادري شلون اتكلم عنه ‍♀️ المطعم كنت متحمسه له جدا وكان فيني فضول اجربه من قبل مايجهز وكنت استناه بفاااارغ الصبر وماصدقت خبر اعلنو افتتاحه عشان اجربه
المنيو حقه مو مركز على اتجاه واحد يعني تحصلون الاسيوي والايطالي و عربي وغيره وانا للامانه احب المطعم يركز على شي واحد علشان مايضيع لانه فوق هذا فيه قسم بيكري بعد
التركيز على اتجاه واحد مايشتت وممكن يكون لصالح الطرفين وهذا من رايي ‍♀️
للامانه هو من المطاعم اللي فتحت المنيو ولا قدرت اطلب اكثر من طلبين ( يمكن ) مالقيت شي يشدني حسيت اغلبيه الاصناف مألوفه واخر شي رسيت على سلطه التاي و تشكن كاري
السلطه عاديه جدا وكان الدجاج مغلف ببقسماط كنه منزلي ومشرب زيت
والتشكن كاري طعمه بعد عادي جدا ماحسيت فيه هذيك النكهه او التكنيك اللي متعوب عليه والرز حقه لاصق ببعضه كنه رز السوشي
‍♀️ ‍♀️
بما انه حاليا فاتح افتتاح تجريبي وتوه بالبر اتمنى من كل قلبي يراجعون عالاقل طريقه التحضير ويحاولون يبتكرون شي يتميزون فيه ويهتمون لجوده المكونات لان ماحسيتها بالجوده المطلوبه ( مثلا الدجاج حسيت ضروري يغيرون المصدر لان (كأنه) مو طازج )
المطعم حسيت معتمد اعتماد كلي على الديكور والمكان اكثر من اي شي والحق ينقال المكان يجننننننن رايق هادي وكلاس كنكم في اوروبا لكن تمنيت يهتم لجوده الاطباق والتقديم بعد وحتى الخدمه والستاف محتاجين ضروري للتحسين لان حتى الموظفين تنقصهم خبره ودايما افضل ان الموظف يكون عارف ومجرب اطباق المكان اللي يشتغل فيه علشان يعرف عن ايش يتكلم واذا زبون سأله يعرف كيف ينصحه بالاطباق ويوجهه +يحتاجون يكونون متواجدين لخدمه الزبون لاننا تعبنا علشان نحصل احد ياخذ طلبنا ‍♀️
الاسعار : متوسطه الى مرتفعه
‎ مكانه : شارع الامير سلطان / حي الجوهره / الخبر / جنب كانفاش
ساعات العمل : من 4 العصر ليما 12 الليل كل يوم ماعدا الاحد يقفلون اجازه
لازم حجز + يوجد موسيقى
راح يتم رفع المنيو بالهايلايت للفائده ❤️
مطعم مطاعم الخبر الدمام الشرقيه السعوديه اوروبي رايق جديد غدا عشا حجز البحرين الخليج الرياض وين نروح كوفي حلا

 

انتقل إلى أعلى