مطعم الجبيانو الإيطالي

مطعم الجبيانو الإيطالي
 il-Gabbiano
الموقع / جدة، حي الشاطئ – الكورنيش 📍
المطعم غني عن التعريف من الأماكن القديمة والراقية في جده .. واللي محافظه على مستواها في الخدمة وجودة الأكل .. 
طلباتنا📝 /
– شوربة كريمة الدجاج ” ٤٦ 
– اسباجيتي المأكولات البحرية ” ١٤٩
– سالمون مشوي ” ١٥٥
– سفن اب ” ١٠
راح ابدأ بالشوربه لذييييييذه جدًا جدًا بس كميتها تعتبر قليله ..
الباستا حقيقي احلى باستا سي فود ممكن تجربوها !
تقريبًا في اغلب المطاعم جربنا نطلب باستا سي فود وطبعا يجي الصحن كله باستا وفوقها ٣ حبات روبيان فقط لا غير 😊! 
هذي فعليًا مليانه روبيان وفيليه وكل ثمار البحر ومافيها طعم الصلصه هذاك المزعج .. 
غير كميتها ماشاءالله كبيره ومشبعه ..
السالمون برضو لذيذ والله مرره ونكهته مميزه ..
الاسعار طبعًا مرتفعه اعرف وممكن ماتناسب الكل بس هذي تجربتي ..
وحقيقي الطلبات تستاهل كل ريال والجوده لا يُعلى عليها ..
ملاحظه / كان فل وانتظرنا بس مو كثير .. وماعندهم حجز مسبق ..
انتقل إلى أعلى