مطعم الجبل

مطعم الجبل وكافيهات منتجع العمارية هيلز

يقع منتجع العمارية هيلز شمال شرق الرياض، وهو من أفضل وأنسب الاماكن اللي لازم تزورها خاصة مع هذه الاجواء الجميلة. المنتجع يحتوي على فلل ومرافق خاصة بالمؤتمرات والاجتماعات والمناسبات، وأماكن لاقامة حفلات زفاف بقاعات العمارية هيلز البانورامية. كذلك توجد مطاعم شرقية وعالمية في أعلى تلال العمارية، يقدمون أطباق لذيذة مع هذه الأجواء الرائعة.

رابط منتجع العمارية هيلز على الانستقرام على هذا الرابط. وموقعها الالكتروني الرسمي موجود على هذا الرابط. ورابط حسابهم على تويتر هنا. أرقام التواصل ٠٥٠٦٠١٥٥١١ أو ٠٥٠٦٥٥١٤٤٤. حجز مطعم الجبل عن طريق تطبيق ماي تيبل فقط. ولكل شخص دفع مسبق ١٠٠ ريال، وعند زيادة الطلبات تدفعون الباقي بالمطعم. أسعار الفندق تبدأ من ٤٥٠ ريال.

مطاعم وكافيهات العمارية هيلز

حاليا عدد المطاعم والكافيهات بالمنتجع قليل، فيما يلي التفاصيل:

مطعم الجبل

باطلالة رائعة وأجواء خيالية، يقع المطعم على أعلى قمة بالجبل، يقدمون أكل لبناني لذيذ. عندهم موسيقى. مواقف السيارات صعب، تضطر تدفع علشان تجد لها مكان. الاضاءة خافتة. منيو مطعم الجبل بالعمارية هيلز: فيما يلي بعض المأكولات الموجودة بمطعم الجبل:

عرايس، ساندوتش شاورما، مشاوي، حمص باللحم والصنوبر، بطاطا حرة، كباب بالكرز، تبولة، مناقيش جبنة، ورق عنب، كبة مقلية، موهيتو كلاسيك، القهوة (فلات وايت، اسبريسو، سبانش لاتيه، قهوة امريكية)، الحلا (كنافة بالقشطة، كريم بورليه).

بي لاونج B Lounge

لاونج جميل بجلسات رايقة، خاصة بالليل. لازم حجز، والحجز عن طريق الواتس ٠٥٠٤٩٣٤٥٩٣. يقدمون مشروبات باردة وحارة بالاضافة لأنواع من الحلا، أوقات العمل حاليا من الساعة ٦ مساء إلى الساعة ١٢ ليلا، جميع أيام الأسبوع.

منيو بي لاونج: تحتوي قائمة الطعام بلاونج بي على الأصناف التالية: سلطات (سلطة برتقال، جبنة بوراتا، تمر، وقيصر)، الرئيسية (برجر واقيو مشوي، اسياخ دجاج مغربي، روزيتو زعفران، برياني دجاج)، سيقنتشر (بطاطا مطبوخة مع الترفل، جمبري مقلي، كرات كينوا، تشيبس 


تقييم مطعم الجبل العمارية هيلز

حصل المطعم على تقييم متوسط على قوقل، أما اللاونج حاليا جديد، ماعليه تقييمات. فيما يلي تقييمات بعض المجربين للمطعم، قالت لولو:

“منتجع جميل جداً بعيد عن صخب المدينه واجواء رائعه للراحه ليلاً ونهار يوجد فيه فلل غير الغرف والاجنحه ومرافق المنتجع جميله ليلاً حيث تُقام فيه الاحتفالات والفعاليات ويوجد في المنتجع قاعة مناسبات جميله وصاله رياضيه ومطعم الجبل باطلالاته الرائعه واجوائه الخياليه يتمتع المكان بمنظار خلابه ليلاً ويتم الحجز عن طريق تطبيق ماي تيبل”.

قالت روان:

“مطعم الجبل المكان جممممممميل جددداً ويستاهل المدح لازم حجز من تطبيق مايتيبل ولكل شخص دفع مسبق ١٠٠ريال واذا زادت طلباتكم تدفعون الباقي بالمطعم الاكل لذيذ والاطباق الرئيسيه طلبت شاورما عادبه ومشاوي لذيذ المقبلات بطاطا حره لذيذه وباقي المقبلات عاديه مثل اي مطعم القهوه طلبت سبانش لاتيه حار لذيذه والحلى الخيارات محدوده طلبت كنافه الاسعار نوعاً ما مقبوله الخدمه ممتازه اشكر الموظفين على ذالك اول ما ارفع يدي علطططول يجون حبيت هالشي عندهم والموظفين رغم الزحمه نفسيتهم حلوه والخدمه سريعه ماطولوا علينا المكان ساحر بالليل اكرر الزياره بالتأكيد👍🏼 واكرر الشكر ل الموظفين الاكثر من رائعين الله يعطيكم العافيه خدماتكم مميزه👏🏻👏🏻”.

قالت ساميه حمد:

“المكان جداً رائع والأجواء خيالية زرت مطعم الجبل لكن عندي بعض الملاحظات عليه: الخدمة بطيئة جداً يعني طلبت والاكل وصل متأخر ولما خلصنا من الاكل وصلت المقبلات آخر شي النقطة الثانية طلبنا الباقي تيك اواي ورموه ولاجابوه لنا عندي ايضاً اقتراح بما ان الجو بيكون بارد جدا لو يحطون الدفايات النار لكن بصفة عامة الجو جدا جميل ارجع له مره ثانيه بس اتمنى تؤخذ ملاحظاتي بعين الاعتبار .. وشكراً”

تجربة العنود وتقييمها:

“وصلنا والطاوله غير جاهزه ووقفنا لمدة من الزمن ننتظرهم يخلصون مع ان حجزنا واضح بالوقت ، القهوه اكثر من نص ساعه ننتظر لين وصلتنا وكل شوي نذكره ويقول اوكي ويروح ثم يرجع ماجابها ويوم وصلت صارت بارده المشاوي فيها ريحه ودجاج البرياني كأنه بلاستيك ينشب في الاسنان ومافيه طعم دافعين مبلغ وقدره اقل شي المشروبات تكون متوفره طلبت ببسي قال مخلص خبز مافيه حرام عليكم جايين ومتعنين وحاجزين قبلها بشهر وهذي اخرتها !!!!!!! كان الاكل بوفيه ودافعين لكل شخص ٢٠٠ ريال مسبق وتفاجأنا ان بوفيههم دفعه وحده .. خلص مشكلتك مافيه تجديد للصواني واللي مالحق كيفه ! والحلى كذلك نفس الشي رحت والطاولة فاضيه خدمة سيئة اكل سيء يشفع له فقط فقط ففففقط الاطلاله رايقه ان كان حظك زين وجلستك على الاطلاله ويمكن ماتضبط معك ويجلسونك في الوسط 😂 زيارة لن تكرر ولا انصح به الرياض مليانه اماكن كثير يحترمون الزبون والجاي اكثر واللي ملزم بيجرب نصيحه لايطلب شي غير القهوه مع تمر والا شاي حتى الحلى مامدحوه”

أخيرا، جيجي علي:

“زرت مطعم الجبل بالعمارية خياااال من الاخر و الاكل لذيذ جداً عكس تعليقات كثير من الناس ، للأمانة كنت خايفة اول مارحت بسبب تعليقات الكثير بان الاكل كانه بايت و الويتر مو كويسين و الصراحة هذا كله مو صحيح الاكل لذيذ جداً ، و الويتر خدومين و سريعين و متجاوبين و الاجواء هادئة و ساحرة و تاسرك اول ماتدخل و الدخول سريع و مرتب شكراً لكل القائمين على المطعم كان طلبنا : فتوش 10/10 حمص 10/10 كبة مقلية 10/10 بطاطا حرة 10/10 مناقيش جبنة 8/10 كباب بالكرز 7/10 و الحلى كان : امريكان كوفي 8/10 كنافة بالقشطة 10/10 كريم بورليه 8/10”

ختاما، إذا قمت بتجربة الأكل بمطعم الجبل العمارية هيلز فضلا أكتب تفاصيل تجربتك بخانة التعليقات الموجودة أسفل هذه الصفحة حتى تفيد الآخرين.

انتقل إلى أعلى