مطعم اسماك لؤلؤ و أصداف لما الصياد ينزل البحر

مطعم اسماك لؤلؤ و أصداف لما الصياد ينزل البحر

 

مطعم اسماك لؤلؤ و أصداف
لما الصياد ينزل البحر يصطاد بيختار لبيته أحسن سمك و يشيله والباقي بيبيعه
دي باختصار قصة لؤلؤ و أصداف مع السمك و اللي خلتهم من سنه ٢٠٠٠ في القاهرة الجديدة عندهم سمك ماتلاقيهوش عند أي حد و أسعارهم هي الأفضل دائماً
أسطول المراكب الخاص⛵ بيهم بينزل البحر ويرجع معاه كل أنواع السمك و تطلع من المراكب على المحلات بفروعها الثلاثه في الرحاب و القاهرة الجديدة
دخلنا فرع التجمع الخامس و لقينا صدفه كبيره مفتوحه و مفروش جواها انواع كثيره من السمك و الجمبري و الكابوريا و كل البحريات وكله فريش
المكان شيك و عباره عن دورين بعدد كبير من الترابيزات و العاملين كلهم بيستقبلوك بترحاب و بشاشه
طلبنا جمبري و سمك سنجاري و كاليماري و جندوفلي و بربوني و رز و سلطات
و قبل كل ده شوربة السي فود الملغمه
الانطباع الاول هو الاهتمام بالنظافه و الرائحه اللي بتقلب المكان و تجري الريق
الشوربه غنيه و مليانه بكل ما تتخيله من خيرات البحر و الجمبري و الجندوفلي هجمنا عليهم أول ما نزلوا من شكلهم و ريحتهم و اتأكدنا أكثر من الطعم لما شمرنا و ماسيبناش الأطباق الا وهي فاضيه
السمك السنجاري و البربوني معمولين زي ما بيقول كتاب الطبخ صفحة الاسماك و طعمهم عظمه على عظمه
أسماك لؤلؤ و أصداف اسم له تاريخ بدأ مع بداية القاهرة الجديدة و قدر يوصل للمعادله اللي يحبها اكيل الماكولات البحريه
بحريات طازه+ شيفات ممتازه+ طعم رائع + سعر متميز = لؤلؤ و أصداف
العنوان : التجمع الخامس – مول سلفر ستار – خلف الداون تاون
Mobile :
جربناهولك
newcairo
dalilak
khosomat

 

انتقل إلى أعلى