مطعم اسماك عمو رياض جدة

مطعم اسماك عمو رياض جدة 1

بما ان اليوم جمعة قلنا لازم سمك

المحل يعتبر الى حد ما قديم، عنده فرع في حي الصفا
وبدأ حاليا يتوسع وفتح فرع ثاني في السامر وبيعملو عروض

طلبنا حريد مقلي، ومعاه جمبري وحبار مقلي، بالاضافة للرز الابيض والصيادية، وطبعا الحمر والطحينة
واكيد ما ننسى #بيبسي

السمك المقلي عندهم يعتبر افضل شي، القرمشة ممتازة، البهارات واضحة، والطعم لذيذ
الجمبري والحبار طعمهم كويس، لكن طريقة القلي ممكن تكون افضل، والبهارات كمان مو واضحة زي السمك
الرز والحمر طعمهم عادي

كيلو سمك ونص كيلو جمبري مع الرز تكفي ٢-٣ اشخاص

الاسعار تعتبر افضل من محلات ثانية كثير، وخاصة لما يسوو العروض، احنا اخذنا عرض كيلو الحريد ب٤٩ ريال

الاكل محطوط في صحون ورق ومغلف ب اكياس ورق، والرز في علبة قصدير

طلبنا عن طريق مرسول عشان كانو عاملين ٣٠٪؜ خصم عالتوصيل ف كان الارخص، المطعم مو موجود في التطبيقات، بس ممكن تطلبو من خدمة فزعة في هنجرستيشن او من المطعم نفسه

** الاكل بشكل عام جيد، افضل شي السمك المقلي، والاسعار ممتازة، الطلب من مرسول 👍🏻

ابغى سمك وجمبري يقرمش لدرجة الجيران يسمعو، فين تنصحو 😋 ؟

انتقل إلى أعلى