مستعدين للمدارس ولا لا ؟ تقييم جميل وصلنا من dribrahim bakhsh

مستعدين للمدارس ولا لا ؟ تقييم جميل وصلنا من dribrahim bakhsh

 

مستعدين للمدارس ولا لا ؟
تقييم جميل وصلنا من dribrahim bakhsh تقييمي لمطعم بيق ويق برجر ، المكان شارع البترجي والمطعم صغير جدا اول شي ديكور المطعم عبارة عن كل شي يخص الكاوبوي و مرة جميل جدا أعطيه 10/10 و بعد ما يعطوك المنيو يعطوك فول سوداني مجانا مع عصير في كوب صغير عبال ما يجهز الطلب ، و المنيو عبارة عن مقبلات و برجر انا جربت مطاعم كثيرة للبرجر في جدة و بصراحة هذا المطعم مميز من بينهم و يقدم افضل برجر من بين كل مطاعم جدة كان عددنا 2 فقط و اول شي طلبنا من المقبلات طبق ميكس ستارز سعره 34 ريال و الطبق يجمع اكثر من شي واحد ، فيه بطاطس ودجز و عليه لحم مفروم و فوقه جبنة و كان لذيذ جدا اعطيه 10/10 و اصابع موزاريلا لذيذة بس في الاطعم منها في بعض المطاعم اعطيها 10/8 و حلقات البصل المقرمشة عادية اعطيها 10/7 و شبس بصراحة ماله طعم و في اخر زيارة ليا كان سيء و لونه متغير اعطيه 10/0 ، و الطبق كمان كان فيه كذا صلصة و كلها لذيذة و طلبنا برجر دجاج اريزونا سعره بالوجبة 50 ريال و بصراحة يستحق سعره كان لذيذ جدا جدا اعطيه 10/10 ، و البرجر الثاني برجر بيق ويق لحم محشي بالجبنة وسعره بالوجبة 48 ريال و كان اطعم من الدجاج و طعمه خرافي اعطيه كمان 10/10 ، و كل البرجرات عندهم يمديك تخليها سبايسي او بدون و انا جربت في كلا الحالتين و السبايسي كان اطعم بكثير الحساب كله كان 132 ريال فقط jeddah restaurants أمريكي

 

الموضوع منقول



انتقل إلى أعلى