مساء الخير كيفكم انشغلت هالاسبوع عن الانستا لكن ماشاء

مساء الخير كيفكم انشغلت هالاسبوع عن الانستا لكن ماشاء

 

مساء الخير كيفكم
انشغلت هالاسبوع عن الانستا لكن ماشاء الله للآن توصلني أسئلة ع الدايركت عن فندق بيت الورد قلت الافضل انزل تقرير بالتفصيل عنه
منتجع بيت الورد ، الشفا ، جبل دكا ، الطايف
beit alward
beit alward
▫️الفندق جميل واللي مميزة اطلالته ع الشفا و ستايل الفندق كله خشبي حبيت جزء الاستقبال اكثر شيء وفيه كافيه صغير حميمي كله خشبي بس للاسف وقت زيارتنا كان مقفل بسبب الاوضاع
▫️نوع الغرفة : غرفة واحدة مع صالة وبلكونه (فيها مطبخ تحضيري صغير ) طلبنا
بالدور الاول عشان تكون الاطلالة احلى (الفندق دورين بس )
رقم الغرفة : ٢٠١
▪️متوفر عندهم كورنر صغير شاي و عصيرات وسناكات خفيفه و كمان مناقيش

▪️موقع الفندق بعيد نوعاً ما عن وسط الطايف لانه في الشفا لازم تحسبو حسابكم تاخذو كل شيء تحتاجوه معاكم اذا ماتحبو المشاوير
موفرين دفاية كهربائية بالغرفة ▫️
بالنسبة للسلبيات
▪️وقت التشك ان الساعة ٤ ويعتبر متأخر و زيادة انتظرنا ساعة كامله كل ماقلنا لهم متى قالو كمان ربع ساعة مابدأو تنظيف الا لمن وصلنا لدرجه دخلت الغرفة الساعة ٥ الارضية كلها مويه مانشفت لسى
▪️الشيء الثاني مالهم ذنب فيها بس فيه قرود ممكن تهجم عليكم باي لحظه حتى لو الباب مو مقفول تماماً تقدر تفتحه وتدخل زي ماسوت مع اصدقاء رحلتنا صبحو ع القرود اخذت كل اكلهم و حاست لهم الشقه وهما نايمين وذكرتها عشان تنتبهو خصوصاً للي معاهم اطفال صغار ممكن تكون مؤذية لاسمح الله قفلو البلكونه والباب والشبابيك كويس
‎▫️متوفر واي فاي لكن ضعيف جداً حتى شبكة الجوال ما كانت كويسه بسبب موقعه النت كان يقطع على طول
‎سعر الحجز
السعر يختلف حسب الموسم ولو ويك اند او لا
‎بس بوقت زيارتنا حجزناه عن طريق التلفون ب ٣٥٠ ريال لليلة الواحدة (شخصين)
‎(كان على بوكينج وقت حجزنا بحدود ٤٠٠ ريال )
رقم الفندق :
012 761 1170
اتمنى اكون ذكرت كل النقاط المهمة وأشوفكم على خير باذن الله
الطايف الشفا الطائف السعودية سفر سياحة travel taif alshafa saudi tourism بيت الورد بيت الورد جبل دكا بالشفا منتجع فطور سلةفطور اطلالة عيش السعودية الطايف الان حياة الطايف الطايف احلى

 

انتقل إلى أعلى