ماركة RVBLAB

ماركة RVBLAB 
أغلبـنا نحب نتمكيج يوميا وكلنا ندري ان المكياج اليومي يضر البشـرة ويدمرها خصوصا مع الشمس،
من سنتين تقريبا صار عندي اهتمام بالمكياج الطبي وجربت ماركات وايد، شفت ماركة RVBLAB في صيدلية مشرف وسويت سيرچ على الماركة، 
لقيت انها ماركة ايطالية طبيه وكل منتجاتها خاليه من المواد الضاره للبشره ، وغير جذي عندهم ترخيص من وزارة الصحه ، تشوقت اني اجرب مكياجهم خصوصا ان بالشتا استخدم الديفيرين وبشرتي تبدي تتقشر ، فأحب اتمكيج بشكل يومي 
بدون ما بشرتي تضرر وتتأذى .
أخذت مزيل المكياج ممتاز ومايحسس البشره ، و لوس باودر ، و بلاشر لونه اينن مناسب للنهار ، و كونتور درجته وايد طبيعيه ، قلم كحل ثابت ومايسيح، وثلاث فرش مكياج .
عندهم كل شي تحتاجونه بأنواع المكياج من حُمر وماسكارات وبودرات وفاونديشن ، بس انا حرصت  اخذ المنتجات اللي احتاحها بمكياجي اليومي .
الماركة تلقونها بصيدليه مشرف والعديليه 
واللي بعيد عليها تقدر
 تطلب من موقعهم 
موجود في حسابهم ويوصلون كل المناطق .
.
انتقل إلى أعلى