‘ ‘ لو يقدر الورد يسرق قلب من شمّه / ماتقدر

' ' لو يقدر الورد يسرق قلب من شمّه / ماتقدر 1

‘ ‘ لو يقدر الورد يسرق قلب من شمّه / ماتقدر

 



لو يقدر الورد يسرق قلب من شمّه / ماتقدر الشمس تسرق بارد ظلالي ،
اخترت درب الظما عن صافي الجمّه / ووالفت صبري عليه وطال ترحالي ،
ما كل من يسري بـ يسري على همّه /ياما سريت الظلام وخاطري سالي ،
والبارح النفس مخنوقه ومنغمّه / وسرّاني الحزن للي مر في بالي ،
اشوف صورتْه بالجوال واضمّه / واودّعه وامسح اللي له بجوالي ،
سمّ الجفا مرجله ولاّ ردى سمّه / انا عزمت وجزمت وشفته اشوالي ،
إليا متى والمشاعر فيه مهتمّه / سويت كل شي لكن ويش سوى لي ؟! ماعاد اعرف اتكلم مع بني عمّه / لاسولفوا كن صورة وجهه قبالي ،
اصد والناس حول الناس ملتمّه / واتشطّر بعيد عنهم واجلس لحالي !
كني يتيمٍ فقد من ليلتين امّه / ولاّ كريم استحى من جيبه الخالي ،
اغصّ في عبرتي واضيّع اليمّه / واسج رجلي من الضيقه على فالي ،
من اوّل اشوفه السامي على القمّه / والجاي من عمري ومستقبل آمالي ،
والحين ما عاد يفرق مدحه وذمّه / مثل : ابتسامة رضا فـ وجيه عذالي !
يهمّني الحب بس الحب ما همّه / ياليت ماني كذا وخصالي خصالي !
أبعدت شرهة دموعي عن طرف كمّه / وعلقّتها في طرف جفني من هبالي ،
أواسي الجرح و اداريه وألمّه / واقول لـ الدمع لا تبكي على حالي ،
لو يستحي حزني البارح على دمّه / ما كان جابه على غفله على بالي !


محمد جارالله

 

' ' لو يقدر الورد يسرق قلب من شمّه / ماتقدر 1
انتقل إلى أعلى