للسهرانات بس،، مساكم الله بالخير،، وهذي طرفة سولفتها على خواتي أمس

للسهرانات بس،، مساكم الله بالخير،، وهذي طرفة سولفتها على خواتي أمس

 

للسهرانات بس،،
مساكم الله بالخير،،
وهذي طرفة سولفتها على خواتي أمس وبقولها لكم،،
الحمدلله
الحمدلله
أخبار لا شكوى،،
عندي ببيتي الشيخ دحومي له تقريباً عشرة أيام عجزااااااااان،،
حرارة ،،
وما ياكل
يعني فعلاًما ياكل أبد أبد،،
و مابه قوة أبد وبس يتسدح،،
إما يكون السبب إنه متعرض لمكيف،،
أو شارب شيء بارد،،
أو أكل من برا ولاهضمها،،
أو ما أدري،،
كان ضايق صدري عليه،،
مشاركة الأم الوجدانية لأولادها في آلامهم عجيب،،
أنا إلى الآن مازلت لا أنسى حالة أمي
وهي تتابع معي مراحل ولادة الغراء بنتي،،
بالعادة أحرص إني أخبي عليها وقت الولادة الصحيح ،،
لكن بولادة الغراء دريت هي وأنا ما ودي،،
الله يغفر لها ويرحمها
كانت حالتها حالة ومشاركتها الوجدانية لي والحمدلله عجيبة،،
ماقدرت أنساها رغم مرور ١٩ سنة عليها،،
نرجع لسالفة أو طرفة الشيخ دحومي
صحيح إني هالأيام العشرة كنت أسوي اللي يتسوى ،،
بحياتي العادية ،،
بس مانيب مع الناس أبد،،
كان شاغل كل بالي وتفكيري،،
أحس كل شيء عندي ماله طعم
ورخيص،،
قلبي كان مرة منشغل عليه،،
منها أشوف وليدي عجزان،،
ومنها والحمدلله خايفة عليه،،
عاد ماشاء الله تبارك الله رفع راسه قبل أمس
وخفت الحرارة،،
ياربي لك الحمد حمداً كثيراً طيباً مباركاً فيه،،
بس الطرفة بالموضوع،،
إنه بدأ يشاكس خواته،،
مكاني،،،ريموتي،،،شاحني،،،فيشي،،أنا قبل،،،حقي،،،موب حقي،،
وغيره من المشاكسات اللي تصير عادة بين الإخوان والخوات،،
عاد أنا تجاهلت المشاكسة وسكت بالمرة الأولى،،
والثانية،،
ماش،،
شوي هايبينه ومستحين منه،،
صاير كأنه ضيف وفرحين بسلامته،،،
بس يوم جت الثالثة،،
ناديته بتشره،،،عشان أنبهه وأنهاه عن هالمشاكسات؛
دحومي!!!
ما يصلح كذا،،،
تدرون وش رد؟؟
ماما،،
ترى أنا هذي طبيعتي،،
بس أنتِ نسيتي يوم أنا مرضت،،،
وبس يا وليدي؟؟
هذا جوابك؟؟
يعني ترى طبيعتي أشاكس ،،
فعلاً ،،إذا قالوا؛
الاعتراف بالحق فضيلة،،
ميخالف ،،
شاكس يا وليدي شاكس،،
الله يخليك لنا ويحفظك ويصلحك وينبتك نباتاً حسناً،،

 

الموضوع منقول



انتقل إلى أعلى