لا تنسوا هاشتاق jeddah restaurants مأكولات بحرية تقييم اليوم وصلنا من


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

لا تنسوا هاشتاق jeddah restaurants مأكولات بحرية تقييم اليوم وصلنا من

 

لا تنسوا هاشتاق jeddah restaurants مأكولات بحرية
تقييم اليوم وصلنا من nayooz
تقرير لزيارتي لمطعم المرساة المتخصص بالمأكولات البحريه وكانت تجربه ناجحه جدا كنت مشتهي أكل بحري وكان العاده اني لما اكل سمك اروح المنتزهات الي على خط للمدينه زي الساحل الغربي والمرجان
بس سمعت عن مطعم المرساة وأنه ممتاز قلت اروحله ومكانه في شارع حراء مابين تقاطعه مع السبعين والأربعين بعد بيت الشوايه
دخلنا المطعم وكان المحلي فيه له مدخل خاص غير مدخل السفري مع العلم ان في حال طلب السمك لازم اروح قسم السفري لاختيار السمك
الجلسات كويسه اعطيها 7 من 10
طلباتنا كانت لشخصين وهي كالتالي
صحنين رز صياديه الواحد 7 ريال اعطيه 9 من 10 كان ممتاز
نص كيلو جمبري مقلي وكان جدا لذيذ أروع جمبري ذقته اعطيه 10 من 10
طلبنا سمكتين حريد مقلي كان حجمهم مع بعض كيلو وميه وعشره جرام مع العلم ان الكيلو الحريد بتسعين ريال وكان القلي ممتاز اعطيه 8 من 10
وطبعا مع صحون السمك والجمبري يجي شوية بطاطس مقلي
بالاضافه للحمر والطحينه والسلطه
وخضار مقطع
كان المجموع مع البيبسي 171 ريال وتقييمي للسعر 8 من 10
نفس اسعار منتزهات خط المدينه وبنفس الجوده والطعم ويمكن افضل
بس كانت طريقه الدفع سيئه مافي تنسيق مابين المحلي والسفري
طلبت دفع بالشبكة قلي الشبكه عند قسم السفري شيل الفاتوره وروحلهم، رحت قسم السفري قالولي مافي شبكه معطله جيت احاسبهم كاش قالولي حاسب عند قسم المحلي
يعني سوء تنسيق من الموظفين في الخدمه اعطيهم 5 من 10
فأنصحكم بزيارته لو تبغو تدمكو سمك ولا تنسو تطلبو الجمبري وفي حال حصلتم سمك هامور لا تترددو في طلبه لأننا ماحصلنا وقتها هامور وطلبنا حريد الي يكون احلى بالشوي بس كان برضو ممتاز بالقلي
وان شاء الله تتكرر الزياره بس حكون متأكد ان معايا كاش

 

الموضوع منقول



انتقل إلى أعلى