لازم الواحد لما يجلس يجرب ويجرب، يرجع للشي المضمون عشان يتحمس

لازم الواحد لما يجلس يجرب ويجرب، يرجع للشي المضمون عشان يتحمس 1

لازم الواحد لما يجلس يجرب ويجرب، يرجع للشي المضمون عشان يتحمس

 

لازم الواحد لما يجلس يجرب ويجرب، يرجع للشي المضمون عشان يتحمس يكمل
انوش myanoosh
طلبنا من عندهم كوكيز ابيض وشوكولاتة
طبعا الميزة عندهم، ومحلات كثير صارت كده للامانة، يخبزو بشكل مستمر، ف تاخد الكوكيز فريش
اللي يميّزهم كمان نوع الشوكولاتة اللي يستخدموها، وطبعا خلطة وطراوة العجينة
انا اشوف الكوكيز الكلاسيك او الابيض هوا احسن شي، طعمه لذيذ، خاصة وهوا دوبو خارج من الفرن
الشوكولاتة كمان كويس لو انتو من محبينها
اكلنا الكوكيز على يومين، صح انه نشف شوية، بس مع المايكرويف يرجع كانه جديد
الواحد ياكل حبتين
الجيعان يدعس
٦ حبات ب ٤٢ ريال يعني الحبة ب ٧ ريال
كل حبة كوكيز حاطينها في كيس ورق مفتوح، وكل ٦ حبات في كيس اكبر، وفي الاخير كلهم في كيس كبير، ودا شي كويس عشان حرارة الكوكيز، لكن الافضل لو الكيس الكبير يتقفل شوية عشان الحماية
الطلب عن طريق تطبيقهم ممتاز لو كان يوصل للحي اللي انتو فيه، ويسوو عروض حصرية في الويك اند
انا طلبت من مرسول، عاملين ٣٠٪؜ عالتوصيل
وموجودين كمان في جاهز
** لو حاب كوكيز ابيض لذيذ ومضمون، وخاصة لو فجأة قررت، انوش من افضل الخيارات وصعب تلاقي احد ما يحبه، الطلب من التطبيق او مرسول
كده نرجع نجرب محلات ومشاريع منزلية مرة تانية
اكلك في بيتك جدة مطعم مطاعم توصيل ديليفري اكل مصور كريم جيعان جوعان كريم هنجرستيشن تويو كوكيز
‏ jeddah restaurant delivery food hungry careem hungerstation toyou cookies

 

لازم الواحد لما يجلس يجرب ويجرب، يرجع للشي المضمون عشان يتحمس 1








انتقل إلى أعلى