لازم الواحد كل فترة يشتهي دجاج شواية تجربتنا كانت لاسم معروف

لازم الواحد كل فترة يشتهي دجاج شواية تجربتنا كانت لاسم معروف 1

لازم الواحد كل فترة يشتهي دجاج شواية تجربتنا كانت لاسم معروف

 

لازم الواحد كل فترة يشتهي دجاج شواية
تجربتنا كانت لاسم معروف
بيت الشواية shawayahouse
طلبنا حبة دجاج شواية مع مكس رز، وجربنا مشخول الجمبري، بالاضافة ل سلطة خيار واكيد الحلى كنافة قشطة ونوتيلا
ولا تنسو بيبسي
الدجاج حجمه يعتبر كبير ونظيف، طبعا النكهة كلها في الجلد، حسيناه شوية ناشف من جوا
الرز اكثر شي عجبنا الابيض والاحمر، البرياني مو قد كده، وما جربنا المكرونة
المشخول فكرته اقرب للايدام مع بطاطس و رز ابيض، للامانة تجربة جميلة وعجبنا، بس كمية الجمبري قليل بالنسبة للرز، اتوقع الدجاج حيكون ممتاز
سلطة الخيار بالزبادي عادية، الخيار كميته كثيرة
الكنافة كويسة، فكرة ان عندهم نوتيلا ولوتس شي كويس، ومع اني احب النوتيلا وكانت جيدة، بس بعد الاكل دا لازم قشطة وكان حلاها مزبوط
الواحد ياكل طلب مشخول او نص دجاجة مع رز
الجيعان يدعس
الدجاجة ب٣٧ ومشخول الجمبري ٣٥ والكنافة ١٠ ريال
المشخول جا في علبة بلاستيك، الشواية في قصدير، والكنافة علب كرتون، كل شي في كيس مغلق من المطعم للحماية
الطلب كان عن طريق تطبيق تويو عشانهم الارخص، المطعم موقّف كبسة اللحم حاليا، لا تطلبوها عشان لا تورطو مع خدمة العملاء، ومافي نص دجاجة في تويو
موجودين في هنجرستيشن وكريم كمان
** اذا اشتهيتو دجاج شواية وما تعرفو محل كويس حولكم، بيت الشواية اختيار كويس في التنوع، وانصحكم تجربو المشخول، الطلب من هنجرستيشن فيه عروض حصرية
ايش في مكان تنصحو بيه للدجاج الشواية ؟
اكلك في بيتك جدة مطعم مطاعم توصيل ديليفري اكل جيعان جوعان كريم هنجرستيشن تويو مرسول شواية دجاج
‏ jeddah restaurant delivery food hungry careem hungerstation toyou lugmety mrsool grill chicken

 

لازم الواحد كل فترة يشتهي دجاج شواية تجربتنا كانت لاسم معروف 1






انتقل إلى أعلى