|كوك شوب| صباح السعادة والعودة للدراسة تقييم جميل وصلنا من

|كوك شوب| صباح السعادة والعودة للدراسة تقييم جميل وصلنا من

 

|كوك شوب|
صباح السعادة والعودة للدراسة تقييم جميل وصلنا من صديقتنا roze0530
تقييمي اليوم لمطعم كوك شوب
مكانو ف التحلية مجمع استرا اللي فيه شوبك و فطور فارس
رحناه عالفطور عالساعه ٧ و نص تقريبًا و كان جدًا فاضي
كنا ٧ اشخاص و طلباتنا كانت :
بيض مقلي مع السجق التركي الحار ب ٢٩ ريال
كان مزبوط مرة و نقيّمو ٩/١٠
بان كيك بالنوتيلا اتوقع سعرو ٢٨ ريال
ميزتو انهم يطبخوه قدامك و تصوروا و كدا
كان لزيز برضو نعطيه ٩/١٠
تورتيلا محشيه بالسجق التركي الحار و جبنة و طماطم مجففه
سعرها ٣٢ ريال ،، عجبت اللي طلبتها مرررة ١٠/١٠
اصابع الموازريلا ب ٤٩ شي زي كدا
لا بأس بها م حسيتها واو
اومليت بالجبن سعرو ١٩ ريال
اتوقعنا يكون بجبنة تشيدر او موازريلا لكن طلعت جبنة مالحة و ف البدايه م حبينا الفكرة انو كيف جبنة مالحة بس حبينا اختلاط نكهة البيض مع الجبنة المالحة ❤❤ اعطيه ١٠/١٠
طلبنا فطور كوك شوب المشكل ب ٤٩ ريال
عبارة عن مربى و عسل و زيتون و نوتيلا و مجموعة اجبان و بيض مسلوق و سجق تركي
و ما يحتاج تقييم يعني حاجات عاديه
نجي للمشروبات :
فرابتشينو بارد ب ١٩ ريال مو مرة عجبها ٧/١٠
كابوتشينو برضو ب ١٩ اتوقع برضو مو مرة عجبها ٧/١٠
موكا حار ب ١٩ م شربتو لانها كانت تبغى بارد و نسيت تقلهم
عصير بالكرز و الفراولة و يجيكم زي السلاش ادددمنوووه من جد لين الليل يمدحوه من كتر م هوا لزيز برضو ب ١٩ ،، ١٠/١٠
شاي تركي ب ٩ ريال ،، انا م عجبني ابدًا مررررة طعمو مُرّ مدري هوا الشاي التركي كدا فيه مرارة ولا ايش الهرجة
اذا هوا كدا ف انا م احب المرارة ف ما حقدر اعطي تقييم لأنو هذي مشكلتي انا مو مشكلتهم
التوتال : ٣٣٥ ريال ❤
المطعم جلساتو تجنن مرة و رايق مافيه ازعاج
خدمتهم تجنن و الويترز بشوشين و يضحكوا معاكم و تحسوا انهم يشتغلوا من قلبهم ( مافي بارتيشن )
اسعارو جدددًا مناسبه و ما اشوف انها غاليه ابدًا اذا حتقارنوها بفطور المطاعم التانيه و هذي ميزة ممكن يبغاها اللي م يحب يدفع مبلغ و قدره على مجرد فطور
و ان شاء الله التقييم نال اعجابكم ❤

 

Leave your vote

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

انتقل إلى أعلى