كوفي نمبر فايف بالسرايا مول شارع الستين

كوفي نمبر فايف بالسرايا مول شارع الستين

 

_

أضطريت أنزل التقييم بهالوقت عشان ويكند وخفت اللي معاهم أطفال يتحمسوا ويروحوا بعدين يدعوا عليا ‍♀️

كوفي نمبر فايف بالسرايا مول شارع الستين
@no5coffee

الكوفي دورين نفس نظام كرويته وجلسات خارجيه
مرا كبير ومرتب يفتح النفس ♥️

كل شي بيرڤكت البارح تحمست من بدري قلت بدل م أروح بالليل وزحمه زي المرا اللي فاتت خليني أخليها قهوة عصريه
المهم عيوا يخلونا نجلس جوا عشان الأطفال ممنوع
بنتي عمرها ٨ سنوات حاولت كلمتهم قالوا مانقدرش أوامر الإداره

المشكله بعد العصر وطلبت أخذت الأوردر خلاص والدنيا مليااااااانه غبار وحر وهواء قوي ( لكم أن تتخيلوا )

ي دوب أكلنا شويا من الحلا ومشينا كملنا المشروبات بالسياره
حكرر الزياره بإذن الله بدون أطفال لأنو المكان رايق ويستاهل ✅

طلبت :
تشيز كيك فراوله مرا يمي طري بشكل والطبقه البيضاء مو طبيعيه ب ٢٠ ريال

واحد تشيز لوتس نفس الإبداع بتشيز الفراوله بس لوتس م أحب اللوتس ب ٢٠
أول مرا يمر عليا تشيز ذايب ولذيذ بهالشكل ✅✅✅

كيكة عسل حسيتها غريبه كأنها مكس بين العسل واللاتيه حبيتها بس اللي معايا ماحبوها ب ٢٤ ريال

كيكة زعفران ولا غلطه ماشاء الله بس صوص الزعفران قليل شويا ب ٢٤ ريال

المشروبات :
٣ سبانيش لاتيه بارد الواحد ب ٢١ ريال موزون صح بس لو دبل شوت يطلع ألذ فأطلبوا دبل إذا تحبوه مر أكثر

لاتيه حار ١٦ ولا غلطه بالدماغ ‍♀️

مويا ٨ ريال

عندهم باقات للحفلات ورود وشموع بالونات هيليوم بأسعار حلوه والمكان للحفلات حيكون حكايه

بس لو يسمحوا للأطفال بالدخول للدور الأرضي نفس باقي الكوفيهات حيكون خيار دائم
لأنو الدنيا صيف ومستحيل حد يستحمل يجلس بالحر لا بالليل ولا بالنهار مرا ماحتنفع جلسات الاوت دور

 



















انتقل إلى أعلى
Share via
Copy link
Powered by Social Snap