كعادته المبدع aidoadviso كل عام وأنتم بخير مع دخولنا للشهر المبارك

كعادته المبدع aidoadviso كل عام وأنتم بخير مع دخولنا للشهر المبارك

 

كعادته المبدع
aidoadviso
كل عام وأنتم بخير
مع دخولنا للشهر المبارك كثير من المطاعم و البوفيهات اللي بالفنادق تجهز نفسها لهذا الشهر الفضيل بوجبات فطور سواء بوفيه او (ست مينيو) انا افضل الست مينيو اللي عازمني يعني
طيب البلاء او المشكلة في ارتفاع الأسعار كل سنه عن اللي قبلها ولا يجيك مطعم مطعم يقول ((ابداً انا ما رفعت سعري))!! يا حبيبي أصلا سعرك عالي ههههه هنا يجي السؤال الفنان ايشمعنا الأسعار تقب فوق؟ وليش كل سنه يزيد؟
الأسعار في المطاعم اللي تمشي الحال صار يبدأ ١٥٠ ريال على الرغم انه كان ٦٥ ريال قبل ٣ سنوات! وبوفيه على طرقات المطعم هههه ومن قوه الحرب على الفطور ممكن يصفالك الموضوع على سموبسه و عصير قمرالدين و كم وريقه من السلطه دا الرخيص ابو كلب
كما وصلني هادي السنه في احد المطاعم في مدينة جده حيقدم الفطور بتكلفة ٤٥٠ ريال على الشخص!! على الرغم انه كان ٢٠٠ ريال قبل ٣ سنوات
هل طور شي؟ لا
هل أتجدد حاجه؟ لا بالعكس نفس الكراسي
طيب ليش بتزيد؟
قول الواحد يعتقد انه مع ارتفاع الأسعار مافي احد حيروح؟ لااااا قد تتفاجئ انه النظام بالحجز و كامل العدد كمان!! احا يا عمي مو كده الحياة هههه
الاسرة الجداوية المتوسطه معدل انها تروح تفطر في احد هادي المطاعم من مره الى مرتين ومع ارتفاع السعر ممكن تتنازل عن هادي الطلعه لانه (حرام هادي الفلوس واصلا مافي احد ياكل)
السبب من وجهة نظري في ارتفاع الأسعار هو ((زيادة الطلب العالي من قبل الشركات لعمل مائدة افطار)) بل وأصبح الموضوع لديهم اُسلوب فشخره! مثال بسيط في شركة تحجز ثلاثة ارباع المطعم ولمدة ٥ ايام (وَيَا ريت للموظفين كلهم) الا عشان توري الناس انه ايوة انا موجود بين الشركات ((ههههه)) ارحمونا و بطبيعة الحال كشركات كبيره لو قلتلها سعر الفطور بألف ريال ((حتى لو)) ما تفرق لانها تستقطع من ميزانيه تسويق مثلا او ميزانيه فشخره عالفاضي
ارتفاع اسعار المواد الغذائيه ما يرفع الأسعار كده!!
هذا رأي و خلينا مسمع منكم
ملاحظه: ٤٥٠ ريال تكفي لإفطار إنسان محتاج لمدة شهر كامل
رمضان كريم

 

انتقل إلى أعلى